माघ २६ गते। मधेश प्रदेश सरकारले फागुन १ गते (सोमबार) जनयुद्ध दिवस मनाउन सार्वजनिक बिदा दिएको छ ।
फागुन १ गते परेको जनयुद्ध दिवसको अवसरमा प्रदेश सरकारले पहिलानै राजपत्रमा बिदाको सुची प्रकाशित गरि सार्वजनिक बिदा दिईसकेको छ ।
लालबाबु राउत नेतृत्वको सरकारमा माओवादी केन्द्रबाट गृह तथा संचार मन्त्री भएका भरत प्रसाद साहको प्रयसामा गत वर्ष नै फागुन १ गते जनयुद्ध दिवस मनाउन सार्वजनिक बिदा दिने निर्णय गरेको थियो । गत वर्ष फागुन १ गते पनि मधेश सरकारले जनयुद्ध दिवस मनाउन सार्वजनिक विदा दिएको थियो भने माओवादीको दश वर्षे जनयुद्धमा सहिद, बेपत्ता भएका परिवार र घाइतेलाई एकएकलाख रुपैयाँ वितरण गरेको थियो ।
तत्कालीन विद्रोही नेकपा (माओवादी)ले सशस्त्र विद्रोह शुरू गरेको दिनको सम्झनामा प्रत्येक वर्ष फागुन १ गते माओवादीले जनयुद्ध दिवस मनाउँदै आएको छ । अघिल्लो बर्ष पनि मधेश प्रदेश सरकारले फागुन १ गते बिदा दिएको थियो।जनयुद्ध दिवसमा सार्वजनिक बिदा दिने मधेश सरकारको अनुसरण अन्य प्रदेशले पनि गर्न थालेको छ । बागमती प्रदेशले पनि जनयुद्ध दिवसको यसवर्षदेखि सार्वजनिक विदा दिने निर्णय गरेको हो ।
हेर्नुहोस राजपत्रमा प्रकाशित बिदा विवरण
Discussion about this post