धनुषामा हिरासत कक्षको कमजोर भित्ता फोडेर ६ जना थुनुवा फ रार

माघ १६ गते। धनुषाको क्षीरेश्वरनाथ नगरपालिकास्थित इलाका प्रहरी कार्यालय सखुवा महेन्द्रनगरको हिरासत कक्षबाट ६ जना थुनुवा फ रार भएका छन्। आइतवार राति हिरासत तोडेर ६ थुनुवा फ रार भएको जिल्ला प्रहरी कार्यालय धनुषाका प्रवक्ता प्रहरी नायब उपरीक्षक प्रदीप बहादुर क्षेत्रीले जानकारी दिए।

फरार हुनेहरूमा क्षीरेश्वरनाथ नगरपालिका-५ बस्ने लागुऔषध मुद्दाका अभियुक्त ३० वर्षीय विनोदकुमार शर्मा, क्षीरेश्वरनाथ नगरपालिका-२ बस्ने राष्ट्रसेवक बाधा विरोध मुद्दाका २५ वर्षीय अमित मण्डल र क्षीरेश्वरनाथ नगरपालिका-२ बस्ने राष्ट्रसेवक बाधा विरोध मुद्दाका २५ वर्षीय रोशन यादव रहेका छन्।

त्यस्तै, मिथिला नगरपालिका-२ बस्ने अभद्र व्यवहार मुद्दाका २५ वर्षीय हरिदीप सिंह, मिथिला नगरपालिका-६ बस्ने हातहतियार तथा खरखजाना मुद्दाका २८ वर्षीय रोशन महतो र मिथिला नगरपालिका-६ बस्ने हातहतियार तथा खरखजाना मुद्दाका ३६ वर्षीय शंकर सिंह पनि फ रार भएका हुन्।

फ रार उनीहरूको खोजी कार्य भइरहेको प्रहरीले जनाएको छ। उनीहरू हिरासत कक्षतर्फको भित्ता कमजोर भएका कारण फोडेर भाग्न सफल भएको धनुषा प्रहरीले जनाएको छ।