धनुषा प्रहरीले हिरासतमै एक युवकलाई कुटपिट गरेको आरोप

जनकपुरधाम/भाद्र २४ गते। अ भद्र व्यवहारको मुद्दामा प क्राउ परेका एक युवकलाई धनुषा प्रहरीले कार्यालय भित्र रहेको हिरासतमै कु टपिट गरेको आरोप लगाइएको छ ।

धनुषाको मुखियापट्टी मुसहरनिया गाँउपालिका वडा नम्बर १ बस्ने श्याम यादवका १८ वर्षीय छोरा धिरज यादवलाई जिल्ला प्रहरी कार्यालय धनुषाको थुनुवा कक्षमा प्रहरीले नै कु टपिट गरी घाइते बनाएको आरोप पीडित पक्षले लगाए ।

गत भाद्र १२ गते आइतबार वडा नम्बर १ स्थित मुसहरनिया टोलमा सांस्कृतिक कार्यक्रमको क्रममा दुईपक्षबिच झडपमा भएको थियो । सो झडपमा स्थानीय संजय साह, विनोद साह, उपदेश महतो, रंजित महतो र सिकिन्दर यादवले धिरज यादव, रामपुकार यादव, राजु यादव, लक्ष्मी यादव, पप्पु यादव, टुनटुन यादव र मिथिलेश यादवलाई कु टपिट गरेको स्थानीय लक्ष्मेश्वर यादवले जानकारी दिए ।

घटनापछि संजय साहले धिरजलाई फसाउँदै उनलाई नै प क्राउ गर्न लगाएको र भोलिपल्ट जिल्ला प्रहरी कार्यालय धनुषामा संजयले नै अ भद्र व्यवहारको मुद्दा दिएको उनले बताए ।

त्यसपछि प्रहरीले घटना आरोपमा धिरजलाई प क्राउ गरेको थियो । सोही क्रममा बिहिवार राति थुनुवाकक्षमै उनलाई प्रहरीले कुटपिट गरेको उनले बताए । धिरजको उपचार अहिले प्रादेशिक अस्पताल जनकपुरमा भईरहेको जनाइएको छ ।

अस्पताल भर्ना भएका पीडित धिरजले बिहिवार राति करिव ९ बजे आफूलाई प्रहरीले हात तल र खुट्टा माथी गर्न लगाएर चरम यातना दिएको आरोप बताए ।

धनुषा प्रहरीले सोही घटनामा संलग्न रहेको भन्दै मुखियापट्टी मुसहरनिया गाँउपालिकाका–१ का युवाहरु रामपुकार यादव, राजु यादव, लक्ष्मी यादव, पप्पु यादव, टुनटुन यादव र मिथिलेश यादवलाई पनि गिरफ्तार गरेका छन् ।

यता धनुषा प्रहरीका प्रवक्ता तथा प्रहरी नायव उपरीक्षक प्रदिपबहादुर क्षेत्रीले थुनुवाकक्षभित्र धिरजलाई प्रहरीले कु टपिट नगरेको दावी गरेका छन् । उनले थुनुवाकक्षभित्र सीसीटिभीसमेत जडान भएकोले प्रहरीमाथि लगाइएको आरोप निराधार हुने जिकिर समेत गरे ।

अस्पतालमा उपचाररत रहेका घाइते धिरजलाई भेट्न मधेस प्रदेश सरकारका भौतिक पूर्वाधार विकासमन्त्री रामसरोज यादव, नेपाली काँग्रेस धनुषाका सभापति योगेन्द्र पजियारसहितका नेताहरु पुगेका थिए ।

मन्त्री यादवले कु टपीटको विषयमा निष्पक्ष छानविन गर्न माग गरेका छन् ।