५ जना प्राध्यापकले शारीरिक सम्बन्ध राख्न पाए बदलामा दिन्थे उत्कृष्ट नम्बर, यसरी भयो खुलासा

शिक्षक र विद्यार्थीबीचको सम्बन्ध उदाहरणीय हुन्छ । तर कयौं पटक यस्ता घटनाहरु संसारभरि नै हुने गर्छन्, तब शिक्षक र विद्यार्थीबीचको सम्बन्धले नै लाज मान्नु पर्ने हुन्छ । विश्वविद्यालयका एक प्राध्यापकलाई आफ्नै छात्रासँग शारीरिकसम्बन्ध राखेको भन्दै जेल पठाएपछि अहिले यो विषय पुनः चर्चामा आएको हो ।

यति मात्र होइन, परीक्षामा राम्रो अंक दिएको सट्टा प्राध्यापकले छात्रासँग शारीरिक सम्बन्ध बनाएका हुन् । वास्तवमा यो घटना अफ्रिकी देश मोरक्कोको हो ।

बीबीसीको एक रिपोर्टका अनुसार हालै उक्त प्राध्यापकलाई यस प्रकरणमा दोषी मानेर जेल पठाइएको छ । यो सम्पूर्ण घटनाको खुलासा पनि अचम्म तरिकाले भएको छ । यो घटना मोरक्कोको हसन विश्वविद्यालयको हो ।

विद्यार्थी र प्राध्यापकबीचको कुराकानी सामाजिक सञ्जालमा लीक भएपछि यो कुरा बाहिर आएको हो । गोप्य च्याट बाहिरिएसँगै हलचल मच्चियो । रिपोर्टका अनुसार सोही विश्वविद्यालयका एक विद्यार्थीले च्याट सार्वजनिक गरेका हुन् ।

बिस्तारै कुरा फैलियो र लीक च्याट विश्वविद्यालय प्रशासन सम्म पनि पुग्यो । प्रशासनले प्राध्यापकलाई कारबाही गर्ने र उनीविरुद्ध मुद्दा दर्ता गर्ने निर्णय गर्यो । मुद्दा अदालतसम्म पुग्यो ।

त्यहाँ यो यति ठूलो विषय बनेको छ कि जनता सडकमा उत्रिएका छन् । यसैबीच अन्य केही छात्राहरूले पनि यस्तै आरोप लगाएपछि सोही विश्वविद्यालयका अन्य प्राध्यापकको नाम पनि बाहिर आयो ।

जम्मा पाँच प्राध्यापकलाई अभियोग लगाइएको थियो, पाँचै विरुद्ध मुद्दा चलाइएको थियो ।

रिपोर्टका अनुसार यी मध्ये एक प्राध्यापकलाई अभद्र व्यवहार, सँगै यही विषयसँग जोडिएको अभियोग लगाइएको थियो । त्यसपछि उनलाई जेल पठाइएको हो । यो मुद्दामा थप ४ जना प्राध्यापक अदालतमा उपस्थित हुन बाँकी रहेको बीबीसीले उल्लेख गरेको छ ।