जनकपुर, माघ १२ गते । सीके राउत नेतृत्वको जनतम पार्टीका कार्यकर्ताले मधेस प्रदेशका सांसद अशोक यादव सवार गाडी तोडफोड गरेका छन् । राष्ट्रिय सभा सदस्यको निर्वाचनमा मतदान गर्न जाँदै गरेका यादवको गाडीमा जानकी मन्दिर अगाडि जनमत पार्टीका कार्यकर्ताले तोडफोड गरेका हुन् ।त्यसक्रममा सांसद यादवको हातमा चोट लागेको छ ।
यसअघि जनकपुरमा जनमत पार्टीका कार्यकर्ता र प्रहरीबीच झडप भएको थियो । राष्ट्रिय सभाको मधेस प्रदेशको मतदानस्थलनजिक जनमत पार्टीका कार्यकर्ता र प्रहरीबीच झडप भएको हो ।
महेन्द्र नारायण निधि स्मृति प्रतिष्ठानतर्फ जनमत पार्टीका कार्यकर्ताहरु बाँसको भाटा लिएर जान खोज्दा झडप भएको हो । प्रहरीले अश्रु ग्यास प्रहार गरेर भीडलाई तितरबितर गरेको जिल्ला प्रहरी कार्यालय धनुषाका प्रहरी नायब उपरीक्षक दीपक रायले जानकारी दिए ।यस्तै जनमत पार्टीका कार्यकर्ताले हरिवन नगरपालिकाका मेयर गणेश प्रसाईं सवार गाडीमासमेत तोडफोड गरेका छन् । धनुषाका प्रहरी उपरीक्षक बसन्त रजौरेले २ गाडीमा जनमतका कार्यकर्ताले तोडफोड गरेको बताए । तोडफोडमा संलग्नलाई प्रहरीले पक्राउ गरेको छ ।
यसैवीच जनमत पार्टीका कार्यकर्ताहरूले जनकपुरधाममा चिकित्सकमाथि आक्रमण गरेका छन् । जलेश्वर अस्पतालका मेसु डा.सतिस साहमाथि बुधबार जनमतका कार्यकर्ताहरूले आक्रमण गरेका छन् ।आक्रमणमा परी घाइते भएका मेसु साहको मुखमा ८ वटा टाका लागेको छ । मेसु प्रदेश २–०२–००१ झ ०१६३ नम्बरको सरकारी गाडीबाट बर्दिबास जाँदै गर्दा उनको गाडीमा आक्रमण भएको हो ।
यसअघि उनीहरूले मधेस प्रदेशका प्रदेश सांसद अशोक यादव सवार गाडीमा पनि तोडफोड गरेका थिए। राष्ट्रिय सभा सदस्यको निर्वाचनमा मतदान गर्न जाँदै गरेका यादवको गाडीमा जानकी मन्दिर अगाडि तोडफोड भएको हो । सांसद यादवको हातमा समेत चोट लागेको छ ।केही वर्षअघि नै खुला राजनीतिमा आएको सिके राउत नेतृत्वको जनमत पार्टीले पछिल्लो समय बन्द र हड्ताल गर्दैआएको छ । साथै प्रदर्शनको क्रममा उक्त पार्टीका कार्यकर्ताले यसअघि पनि सवारीमा तोडफोड गरेका थिए ।
Discussion about this post