सप्तरीमा बालिकालाई बला त्कार प्रयास गरेको आरोपमा तीनजना प क्राउ

सप्तरी/पुस ११ गते । सप्तरीमा दुई बालिकालाई बला त्कार प्रयास गरेको आरोपमा प्रहरीले तीन आरोपितलाई आज प क्राउ गरेको छ ।

बलात्कार प्रयासको आरोपमा सप्तरीको शम्भुनाथ नगरपालिका–११ लहरनियाका २५ वर्षीय परमेश्वर चौधरी, २२ वर्षीय देवा चौधरी र २० वर्षीय रामविलाश चौधरीलाई प क्राउ परेको इलाका प्रहरी कार्यालय कल्याणपुरले जानकारी जनाएको छ ।

बला त्कार प्रयास गरेको भन्दै पीडितका मामा र बुबाले इलाका प्रहरी कार्यालय कल्याणपुरमा भदौ ९ गते संयुक्त उजुरी दिएका थिए । पीडितका अनुसार लहरनियास्थित पूर्वपश्चिम डगर बाटोमा रहेको पोखरीदेखि उत्तरको आँप बगैँचामा भदौ ६ गते राति आरोपितले बला त्कार प्रयास गरेका हुन् ।

शम्भुनाथ नगरपालिका–१२ अर्नाहामा लागेको कृष्ण झुलाको मेला र सांस्कृतिक कार्यक्रम हेरेर किशोरी फर्किँदै थिए ।

डोरीको पासो लगाइ आरोपितले बला त्कार प्रयास गरेपछि उनीहरू भागेर गाउँ पुगेको पीडितले बताइन् । इलाका प्रहरी कार्यालय कल्याणपुरले भदौ ९ गते नै उजुरी दर्ता गरेको र प क्राउ परेका आरोपितलाई म्याद थप गरी थप अनुसन्धान भइरहेको प्रहरी निरीक्षक उमाशङ्करप्रसाद साह बताए ।-रासस