विशुन देव सरदार/सिरहा/कार्तिक५ गते।सप्तरीको बलानबिहूल गाउँपालिका वडा नं. – ४, बेल्हीको श्री जनता आधारभुत विद्यालयमा केवल २ ओटा प्रा.वि. दरवन्दि शिक्षकहरु (प्रधानाध्यापक सहित) एक दिनमा ५६ ओटा घण्टीसम्म पढ़ाउछन्। २ ओटा शिक्षिकाहरु वालविकासमा छन्। बलान बिहूलमा यस्ता थुप्रै विद्यालयहरु छन्, जहाँ विद्यार्थीहरुलाई शिक्षक पढाउन होइन, पशुहरु जस्तो रेखदेख गर्न मात्र जान्छन्। २ ओटा शिक्षकले कसरी १ देखि ८ सम्म जम्मा ५६ ओटा कक्षाहरु भ्याउँन सक्छ र?
यो विद्यालयको स्थापना वि.सं. २०११ सालमा स्थापना भए सँगै यहाँबाट पढेका विद्यार्थीहरु विश्वको बिभिन्न भागमा ठुलो ठुलो किर्तिमान कायम गरेकाका कुराहरु कसैबाट लुकेको छैन तर दुर्भाग्य बिगत केही बर्षदेखी स्थानीय सरकारलाई विद्यालयको संरक्षणको जिम्मेवारी दिँदा अहिले यस्तो परिस्थिति सृजना भएको छ।
बिगत ४ बर्षदेखि यस विद्यालयमा स्थानीय सरकारले एक रूपैयाको पनि लगानी गरेको छैन। राजनितिक कारणले गर्दा लगातार १३० दिन सम्म यस विद्यालयमा तालावन्दि भएको थियो। अहिले यस विद्यालयमा २ ओटा दरवन्दि खाली छ र एउटा राहत दरवन्दि ५ बर्षदेखी खाली छ। अप्पन बेल्ही युवा क्लबले लगातार स्थानीय सरकारलाई ध्यानाकर्षण गर्दा पनि आफुबाट यो काम संभव हुन नसक्ने धारणा राख्नुहुन्छ। यस विद्यालयमा लगभग ४०० ओटा विद्यार्थीहरु अध्यनरत छन्। यस विद्यालयमा ९५% भन्दा बढ़ी विद्यार्थीहरु अति बिप्पन र गरीब रेखामुनि रहेका अभिभावकका बालबालिकाहरु हुन।
सप्तरीको बलानबिहूल गाउँपालिका वडा नं. – ४, बेल्हीको श्री जनता आधारभुत विद्यालयका कक्षा ५, ६, ७ र ८ का विद्यार्थीहरुको संयुक्त निवेदन ।
यस विद्यालयमा खासै कुनै नेता तथा ब्यक्तिले ध्यान दिदैन। बढ़ी अभिभावकहरु अशिक्षित भएको कारण आफ्ना बालबालिकाहरु विद्यालय जान्छन भने त्यहाँबाट केही सिकेर आएको अनुभूति गर्छन्। तर यस विद्यालयमा शिक्षण सिकाई सम्बन्धी क्रियाकलाप लगभग लगभग शून्य देखिन्छ।
के विद्यार्थीहरुले निवेदनमा उल्लेख गरेको माँग गलत छ?
यसलाई पूरा गर्ने जिम्मेवारी कसको छ?
आखिर कति दिनसम्म यी निर्दोष बालबालिकाहरु यसरी आफ्नो आधारभुत अधिकारबाट बंचित रहन्छ?
यिनिहरुको भविस्य अंधकारमय गर्ने को?
यसको समाधान कसरी निस्किन्छ? भन्ने तर्फ समाजका बुद्धिजीवी अगुवाहरुको अवाज उठिरहेको स्थानीय एक युवकले बताएका छन।
Discussion about this post