जनकपुरधामको प्रसिद्ध शक्तिपीठ राजदेवी मन्दिरमा १४ हजार २ सय ९१ बोका ब ‘लि प्रदान

जनकपुरधाम/असोज २८ गते।जनकपुरको प्रसिद्ध शक्तिपीठ राजदेवी मन्दिरमा यस पटक १४ हजार २९१ बोकाको ब ‘लि प्रदान भएको छ ।

महाअष्टमीको निशा पूजा सम्पन्न भएलगत्तै राति ८ बजेर ५ मिनेटबाट सुरु भएको बोका ब ‘लि प्रदानको कार्यक्रम बिहीबार बिहान ३ बजेर ३८ मिनेटमा सकिएको थियो ।

राजदेवी मन्दिरमा बोका ब ‘लि लगायत दसैंको कार्यक्रमको व्यवस्थापन महाबिर युवा कमिटिले गर्दै आएको छ ।
ब ‘लि प्रदानका लागि मन्दिरमा ४ वटा ठेहाको व्यवस्थापन गरिएको थियो । प्रत्येक ठेहामा१० जनाको समूहमा स्वयंसेवक परिचालित गरि प्रति मिनेटमा औसत ४० वटा बोकाको ब ‘लि प्रदान गरिएको थियो ।

अघिल्लो वर्ष ८ हजार ९ सय ६८ बोका ब ‘लि प्रदान भएको थियो । कोरोना महामारीको कारण गत वर्ष बोका ब ‘लि प्रदान गर्नेको संख्या कम भएकोमा यस वर्ष करिब करिब दोब्बर ब ‘लि प्रदान गरिएको छ ।

जनकपुरधामको राजदेवी मन्दिरमा बोला ब ‘लि दिन वरपरका क्षेत्र, सीमावर्ती जिल्ला र सीमावर्ती भारतीय क्षेत्रबाट समेत श्रद्धालुभक्तजनहरु समेत आउने गर्दछन् । मनोवांक्षित फल प्राप्त हुने जनविश्वास भएको अनुसार श्रद्धालुभक्तजनहरुले भाकल गरे अनुसार बोका ब ‘लि प्रदान गर्ने चलन रहेको छ ।

ब ‘लि प्रदानका लागि हजारौंको संख्यामा श्रद्धालु भक्तजनहरु बुधबार दिउँसैदेखि लाइनमा लागेका थिए ।बोकाको लाइन सहित डोरी र व्यवस्थापनको लागि समेत प्रति ठेहा १० जना जनशक्ति खटाइएको थियो ।ब ‘लि प्रदान कार्यक्रमलाई व्यवस्थित बनाउन आयोजक महावीर युवा कमिटीले ५ सयको संख्यामा स्वयंसेवक परिचालन गरेको थियो ।

एउटा बोकाको ब ‘लिको लागि रु २०० को रसिद काट्नु पर्ने र संकलन भएको रकम परिचालन व्यवस्थापन स्थानीय क्लवले गर्ने गरेको छ । बोका ब ‘लिबाट मात्र २८ लाख ४८ हजार २ सय रुपैयाँ संकलन भएको छ ।