महोत्तरीको बर्दिबासमा दुईवटा मोटरसाइकल एक आपसमा ठोक्किँदा र्दुइ जनाको ज्यान गयो

महोत्तरी/असोज २७ गते।महोत्तरीको बर्दिबासमा दुईवटा मोटरसाइकल एक आपसमा ठोक्किदा दुईजनाको ज्यान गएको छ ।

मंगलबार(हिजो) साझ पूर्व पश्चिम राजमार्ग अन्तर्गत बर्दिवास नगरपालिका ४ विश्वकर्मा चोकमा पन्चधुरा मन्दिर जाने गेट अगाडी ज१२प २९६१ र प्र २—०१—००२ प—०५९७ नम्बरको मोटरसाइकल एकआपसमा ठोक्किदाँ सो दुर्घटना भएको प्रहरीले जनाएको छ ।

महोत्तरीको बर्दिबास नगरपालिका–४ मा दुई ओटा मोटरसाइकल आपसमा ठोक्किदा सर्लाहीको ईश्वरपुर नगरपालिका १ का २८ वर्षीय विजय कुमार महतो र महोत्तरीको बर्दिबास नगरपालिका ३ गौरीडाँडाका २७ वर्षीय सुरज तामाङको ज्यान गएको प्रहरीले जनाएको छ ।

महतोको मृत्यु शुभ स्वस्तिक अस्पताल बर्दिबासमा र तामाङको मृत्यु रामजानकी अस्पतालमा भएको हो। यता ज १२ प २९६१ नम्बरको मोटरसाइकलमा सवार बर्दिवास ३ गौरीडाडा वस्ने सोनु सिंहको उपचार बर्दिबास र जनकपुरमा हुन नसकेपछि थप उपचारको लागि न्युरो अस्पताल काठमाडौं लगिएको छ ।

दुबै मोटरसाइकलाई नियन्त्रणमा लिइ घटनाको बारेमा थप अनुसन्धन गरिरहेको जिल्ला प्रहरी कार्यालय महोत्तरीले जनाएको छ ।