जनकपुरधाम/असोज १८ गते।सिके राउत नेतृत्वको जनमत पार्टी नेपालका समर्थकहरुले जनकपुरधाम उपमहानगरपालिकाका मेयर लालकिशोर साहको कार्यकक्षमा तालाबन्दी गरेका छन् ।विभिन्न मांग राख्दै जनकपुरधाम उपमहानगरपालिका पुगेका उनीहरुलाई प्रवेशमा अवरोध गरेपछि नारावाजी गरेका थिए ।
त्यसपछि प्रदर्शनकारीको समुह उपमहानगरपालिकामा प्रवेश गरि न्यायिक समितिमा तोडफोड गर्नुका साथै मेयर लालकिशोर साहको कार्यकक्षमा तालाबन्दी गरेको खवर छ ।
जनकपुरधाम उपमहानगरपालिकामा पुगेर राउतका कार्यकर्ताले ‘भ्रष्ट मेयर लालकिशोर साह मुर्दाबाद’ जस्ता नारा समेत लगाए । उनीहरुले माग पुरा नगरी ताला फोडेमा कडा आन्दोलन गर्ने चेतावनी समेत दिएका छन् । उपमहानगरभित्रको हिलाम्मे सडकहरु अबिलम्ब मर्मत गराउनुपर्ने उनीहरुको मुख्य माग छ ।
यसअघि राउत कार्यकर्ताहरुले जनकपुरधाम ८ मा रहेको खानेपानी विभागमा समेत तालाबन्दी गरेका थिए । विभागले ढल निर्माणका लागि सडक खनेर छाडिदिँदा सडक हिलाम्मे बनेर अवरुद्ध बनेको बताइएको छ ।
Discussion about this post