सप्तरीका बाल शिक्षकहरुद्वारा राजविराज नगरपालिकाको मुल गेटमा चार घण्टा धर्ना

अरुण कुमार यादव/सप्तरी/असोज १७ गते।आन्दोलन संघर्ष समितिले दोश्रो चरणको आन्दोल अन्तर्गत आइतबार राजविराज नगरपालिकाको मुल गेटमा चार घण्टा धर्ना दिएका छन ।

सरकारले तोकेको बमोजिम मासिक तलब राजविराज नगरपालिकाले नदिएको भन्दै उनीहरुले दोश्रो चरणको आन्दोल अनुसार आज पहिलो दिन मुल गेटमा धर्ना बसेका हुन ।राजविराज नगरपालिका अन्तर्गतका ४२ वटै विद्यालयमा कार्यरत ४२ जना कर्मचारी र ७८ जना बालशिक्षक ,बालविकासका शिक्षिकहरु कार्यरत छन ।

दोश्रो चरणको आन्दोलन कार्यक्रम अनुसार बिहान ११ बजेदेखि बेलुका ३ बजे सम्म राजविराज नगरपालिकाको मुल गेटमा धर्ना दिएको जनाइएको छ । नेपाल सरकारद्धारा आर्थिक बर्ष २०७८÷०८९ को बजेट अनुसार समुदायिक बिद्यालयमा कार्यरत बालशिक्षक र बिद्यालयका कर्मचारीहरुको तलब सुबिधा उपलब्ध गराउनुपर्ने ,समुदायिक बिद्यालयमा कार्यरत शिक्षकहरुको छुट प्राबिधिक ग्रेड उपलब्ध गराउनुपर्ने साथै समुदायिक बिद्यालयमा कार्यरत भई अनिवार्य अवकास तहत सेवा निवृत हुनु भएका शिक्षकहरुको छुट प्राबिधिक ग्रेड समेत उपलब्ध गराउनुपर्ने लगायतका माग राख्दै उनीहरुले आन्दोलन थालिएको आन्दोलन समितिले जनाएको छ ।

सरकारले बजेट भाषणमा बालविकासका शिक्षकहरुका लागि १५ हजार मासिक तलब दिन सार्वजनिक गरे पनि सोही अनुरुप राजविराज नगरपालिकाले तलव नदिंदा बाध्यभएर आन्दोलन गनुपरेको आन्दोलन संघर्ष समितिका संयोजक सुमित्रा दासले बताए ।

राजविराजस्थित नेपाल पत्रकार महासंघमा शनिवार एक पत्रकार सम्मेलन गरि सप्तरीका बाल शिक्षकहरुद्वारा दोश्रो चरणको आन्दोलन घोषणा गरेका थिए । यसअघि ज्ञापन पत्र बुझाएर प्रथम चरणकाको आन्दोलन कार्यक्रम सम्पन्न गरिसकेका छन ।