सप्तरी/असोज १५ गते।सप्तरीको कंचनरुप नगरपालिका वडा नम्बर १२ स्थित कोल्डस्टोर चोकमा सवारी दुर्घटना हुँदा एक जना गम्भिर घाइते भएका छ्न भने ६ जना घाइते भएका छ्न ।
प्रत्यक्षदर्शीका अनुसार पुर्वबाट आउँदै गरेको स १ च १६६३ नम्बरको पिकप भ्यान अनियन्त्रीत भइ सडकमै पल्टिदा दुर्घटना भएको हो।
घाइते हुनेमा कृष्ण शबरण गाउपालिका ५ का स्थानिय सम्पत रामको अन्दाजी ५० बर्षिय छोरा नारायण राम रहेका छन् । दुर्घटनामा गम्भिर घाइते बनेका नारायण रामलाई दुर्घटना स्थल नजिकै रहेको धर्मेश्वर हस्पिटल लगिएको थियो ।
धर्मेश्वर हस्पिटलमा उपचार सम्भव नभएपछि थप उपचारको लागि उनलाई बिराटनगर लगिएको प्रहरी स्रोतले जानकारी दिएका छन् ।
दुर्घटनामा परि सोही ठाउँका अन्य ६ जना समेत घाइते भएका छन् । उनीहरुको सोही हस्पिटलमा उपचार भइरहेको छ ।
Discussion about this post