सप्तरीको फतेपुरका तीन पसललाई जरिवानमा

अरुण कुमार यादव/राजविराज/असोज ११ गते।संयुक्त बजार अनुगमन टोलीहरुले सप्तरीको सप्तकोशी नगरपालिकास्थित फतेपुरका तिन वटा पसललाई कारवाही गर्दै जरिवाना तिराएका छन ।

दशै नजिकिदै गरेको भन्दै बजार अनुगमनलाई तिव्रता दिदै खाद्य प्रविधि तथा गुण नियन्त्रण डिभिजन कार्यालय राजविराजको अगुवाइमा संयुक्त बजार अनुगमन थालिएको हो ।

टोलीहरुले सप्तरीको सप्तकोशी नगरपालिकाको फतेपुर र कंचनरुप नगरपालिकाको बलुवा चौकमा अनुगान गरिएको छ ।
अनुगमनको क्रममा फतेपुरमा रहेको अमलेश किराना पसल,दिपा किराना स्टोर र आशाराम पाउरोटी फेक्टरीले म्याद गुज्रेरका समान राखेर बिक्रि बितरण गरेको पाइएको छ ।

सो क्रममा आशाराम पाउरोटी फेक्टरीले उत्पादन मिति नराखेको र अनुमति पत्र नराखि बिगत दश बर्ष देखि अवैधरुपमा संचालन गरेको भन्दै करवाही स्वरुप उक्त पसललाई तत्काल चेतावनी गरि रु दश हजार जरिवाना गरेको खाद्य प्रविधि तथा गुण नियन्त्रण डिभिजन कार्यालय राजविराजका प्रमुख सुरेश कुमार सिंहले बताउनुभयो ।

उहाँका अनुसार अमलेश किराना पसललाई समेत रु १० हजार जरिवाना गरेको छ । उक्त पसलले पनि म्याद गुज्रेका समानहरु राखेर बिक्रि बितरण गर्दै आएको थियो ।

त्यस्तै दिपा किराना स्टोरलाई पनि रु पाँच हजार जरिवाना गरेको छ । ति पसलले म्याद गुज्रेका पाउरोटि,रजनी गन्धा,रेडबुल,कबिर खैनी,बियर ६ थान,१८ वटा रेडबुल लगायतका समानहरु बिक्रि बितरण गरिरहेको पाइएपछि उनलाई पनि कारर्वाही गरिएको जनाएको छ ।

शशी किराना पसल,प्रभात जेनरल स्टोर,बिना खाद स्टोर,किरात कोल्ड स्टोरमा पसलको बोड र मुल्यसुची नरहेको पाईको छ ।माहालक्षमी सुनचान्दी पसलमा भने मुल्यसुचि नदेखिएको र नापतोल गर्ने काटा नबिकरण नगरेको कारण कटा जफत गरिएको छ।उनलाई भोलि जिल्ला प्रशासन कार्यालयमा हाजरि हुने गरि पत्र बझाएको खाद्य प्रविधि तथा गुण नियन्त्रण डिभिजन कार्यालयले जनाइएको छ ।

यस्तै आशाराम कोलड स्टोरमा ७ थान जिसो पयपदार्थ डियु,६ थान लिचि ड्रिक म्याद गुज्रेको पाइएको छ भने कंचनरुप नगरपालिका ७ बलुवामा रहेका शितल किराना पसलमा समेत ७ थान सागर दुध र ६ थान करिब खैनी म्याद गुप्रेको पाइयो ।त्यसक्रममा करिब १२ वटा बिभिन्न पसलमा अनुगमन गर्दा ति पसलहरुमा म्याज गुज्रेका समानहरु पाउनुका साथै बिना दर्ता पसलहरु संचालमा रहेको पाइएको थियो ।

यसैबिच बिभिन्न ठाउँबाट बरामद गरिएको म्याद गुज्रेका समानहरु स्थानियबासी,प्रहरी तथा पत्रकारहरुको रोहबरमा नष्ट गरिएको छ ।

अनुगमनमा इलाका प्रहरी कार्यालय फतेपुरका प्रहरी नायव उपरिक्षक राजेश बस्नेत, ब्यपार संघका अध्यक्ष सुदास राई,सचिव सुशिल अचार्य, राष्ट्रिय उपभोक्त मञ्चका अध्यक्ष राजकुमार गुप्ता, उपभोक्त मंचका अध्यक्ष राजेश गुप्ता,जिल्ला प्रशासन कार्यालय का ना.सु. अजय कुमार मण्डल, पत्रकार बैधनाथ झा र राससका पत्रकार अरुण कुमार यादव लगायतको सहभागी रहेको थियो ।