सप्तरीको खडक नगरपालिकाको बजेट ७८ करोड ४४ लाख,नीति तथा कार्यक्रम सार्वजनिक

उमेश कुमार साह/सप्तरी/असार ११ गते।सप्तरीको खडक नगरपालिकाले आर्थिक बर्ष २०७८÷०७९ को लागि ७८ करोड, ४४ लाख रुपैयाको बजेट, नीति तथा कार्यक्रम अघि सरेको छ । बिहीबार सम्पन्न आठौ नगरसभाबाट स्वास्थ्य तथा शिक्षा क्षेत्रलाई प्राथमिकता दिदै बजेट, नीति तथा कार्यक्रम सार्वजनिक गरिएको हो ।

नगर प्रमुख हेमायु हकको अध्यक्षतामा आयोजित सभामा उप–प्रमुख यास्मिन सुल्तानले आर्थिक बर्ष २०७८÷०७९ को लागि प्रताबित बजेट, नीति तथा कार्यक्रम प्रस्तुत गरिन् । नगरसभामा उप–प्रमुख सुल्तानद्वारा प्रस्तावित चालू खर्च ५१ करोड, २६ लाख तथा पूँजिगत खर्च २७ करोड, १७ लाख ४० हजार बजेट पारित भएको खडक नगरपालिकाका सूचना अधिकृत मनोज साहले जानकारी दिए ।

नगरपालिकाद्वारा बजेट, नीति तथा कार्यक्रममा स्वास्थ्य र शिक्षालाई प्राथमिकता दिएको छ । बजेटमा गर्भवती महिलाको लागि भिडियो एक्सेरे र सुत्केरी गराउन अस्पतालसम्म पु¥याउन एम्बुलेन्स सेवा निःशुल्क गर्ने ब्यबस्था गरिएको छ । जेष्ठ नागरिक, एकल महिला, अपांग तथा आर्थिक रुपबाट बिपन्नहरुको लागि समेत निःशुल्क स्वास्थ सेवा प्रदान गर्ने नगरपालिकाको नीति तथा कार्यक्रम रहेको छ ।

आदिवासी जनजाति, मधेशी, दलित, मुस्लिम, महिलासहितका लक्षित बर्गका लागि उच्च शिक्षा अध्यनमा सहजताका लागि आर्थिक सहयोग गरिने बजेट, नीति तथा कार्यक्रममा उल्लेख गरिएको छ । एमबीबीएस अध्यनका लागि नाम निकालेका बिद्यार्थीका लागि ५ लाख र ईन्जिनियरमा नाम निकाल्न सफलका लागि १ लाख पढाई खर्च नगरपालिकाले ब्यहोर्ने, स्थानीय सरकारी बिधालयमा अध्यनरत जहेन्दार बिद्यार्थीका लागि छात्रवृत्ति तथा पुरस्कार प्रदान गर्ने लगायतका शिक्षा तथा स्वास्थ्य क्षेत्रको बिकासमा जोड दिएको छ । अधुरो रहेका पूर्वधार बिकासको कार्यलाई पुर्णता दिने, स्थानीय उत्पादनलाईलाई प्रत्साहन गरि समृद्ध नगरपालिका बनाउने लक्षय नगरपालिकाको छ ।

सभालाई सम्बोधन गर्दै नगरप्रमुख हकले नीति बजेट तथा कार्यक्रमले बिकसित र समृद्ध नगरपालिका निर्माणमा टेवा पुग्ने बताए । बजेट, नीति तथा कार्यक्रम बनाउन सुझाव सल्लाह र सहयोग गर्ने जनप्रतिनिधि, कर्मचारी, राजनैतिक दल, नगरबासीलाई सहित सम्बन्धित सबैलाई धन्यवाद दिदै नगरप्रमुख हकले कार्यान्वयनमा समेत सबैको साथ हुनुपर्नेमा जोड दिए ।

स्वास्थ्यकर्मी बिरेन्द्र कुमार दासद्वारा संचालित कार्यक्रममा स्वागत प्रमुख प्रशासकीय अधिकृत निरज देवले गरे । यसैबीच कंचरुप नगरपालिकाले ६५ करोड, ५६ लाख, ९ हजार ४ सय पैसठ्ठी रुपैया बजेट, नीति तथा कार्यक्रम ल्याएको जनाएको छ । नगरपालिकाद्वारा बिहीवार साँझ पत्रकार सम्मेलन गर्दै उक्त बजेट नीति तथा कार्यक्रम पारित भएको जानकारी गराएको हो ।