उमेश कुमार साह/सप्तरी/असार ११ गते।सप्तरीको बोदे बर्साईन नगरपालिका वडा नम्बर ६ स्थित पृतमपुरबाट गए राती बिओपी सुभरनपट्टी सशस्त्र प्रहरी निरीक्षक उत्सव बिष्टको कमान्डमा खटिएका प्रहरी द्वारा करीब तीन लाख मुल्य बराबरको चोरीपैठारीको लत्ताकपडा बरामद गरेको छ । भारतीय नम्बर प्लेटको दुई वटा मोटरसाइकलमा राखेर अवैध रुपले ल्याउँदै गरेको अवस्थामा सशस्त्र प्रहरी बल, बिओपी सुभरनपट्टिबाट खटिएको प्रहरी निरीक्षक बिष्टको टोलीले उक्त सामान बरामद गरेको हो । भारतबाट अवैध रुपले भन्सार छली नेपालतर्फ ल्याउँदै गरेको अवस्थामा उक्त सामान बरामद गरिएको हो । गस्तीमा रहेको सशस्त्र प्रहरी टोलीलाई देखि पछि तस्करहरु उक्त मोटरसाइकल र मोटरसाइकलमा भएको अबैध लत्ताकपडा छोडी फरार भएका छन।
बरामद गरिएको सामान तथा मोटरसाइकल थप आवश्यक कार्यवाहीको लागी राजबिराज स्थित कुनौली भन्सार कार्यालय पठाइएको बिओपी प्रमुख सशस्त्र प्रहरी निरीक्षक उत्सव बिष्टले जानकारी दिनुभयो।
केही दिन अघि मात्रै बिओपी सुभरनपट्टीबाट खटिएको टोलीले बोर्डर इलाकाबाट अबैध एक थान घरेलुु बन्दुक (हतियार ) सहित एकजना भारतीय नागरिकलाई नियन्त्रणमा लिई आवश्यक अनुसन्धान तथा कार्वाहीको लागि नेपाल प्रहरीलाई बुझाएको थियो।
Discussion about this post