नेपाल विद्युत प्राधिकरण बोदे बर्साईन शाखा बितरण केन्द्रको चरम लापरबाही , नियमित विद्युत नहुँदा समस्यामा सेवाग्राही

उमेश कुमार साह/सप्तरी/असार ८ गते।बोदे बर्साईन नगरपालिका वडा नम्बर ०५ स्थित नेपाल विद्युत प्राधिकरण बोदे बर्साईन शाखा बितरण केन्द्रको चरम लापरबाही गरिरहेको छ । विद्युतको सव स्टेसन नजिक भएपछि विद्युत नियमित हुने आशा गरेका सप्तरीका बोदे बर्साईन नगरपालिका , खडक नगरपालिका , बलानबिहुल गाउँपालिका , सुरुङ्गा नगरपालिका , डाक्नेश्वरी नगरपालिका सहितको नगर बासीहरूकाे आशा निराशामा परिणत भएकाछन् ।

सव स्टेसनमा सुचारू भएको दुई बर्ष बित्दा पनि बोदे बर्साईनमा सव स्टेसनमा उपभोक्तलाई नियमित विद्युत सेवा उपलब्ध गराई रहेका छैन । बुस कटिङ्ग , मर्मत सम्भारको नाममा प्रत्येक वर्ष लाखौं खर्चिने तर पोल तार वारिङ्गको अवस्थामा सुधार आउन सकेका छैनन् ।

स्थानीयको भनाई अनुसार विद्युत कटेपछी विद्युतको बारेमा जानकारी लिनको लागी ११ पटक फोन गर्दा पनि फोन रिसिभ गरेका छैनन् ।

विद्युत सेवा नियमित नहुदाँ यस नगर क्षेत्र भित्र रहेका बिभिन्न सरकारी कार्यालय , गैरसरकारी संस्था ,साना उधोग , स्वास्थ्य संस्थामा बिरामीलाई उपचारमा अल्ट्रासाउन्ड, एक्सरे, प्रसूति सेवा, प्रयोगशाला सेवालगायतमा समस्या परिरहेको बताउनु भयो ।

बोदे बर्साईन नगरपालिका अन्तरर्गत सोनापुर , खडगपुर दलित बस्तीमा अहिलेसम्म विधुत सेवा पुगेका छैनन् ।खडकपुरको दलित बस्तीमा लाईन नपुग्दा प्रदेश सभा सदस्य अभिषेक यादव प्रति स्थानीय रूष्टटछन् वहाँले एउटा विद्युत प्राधिकरण प्रमुख संग पनि कुरा गरेर हाम्रो समस्या समाधान हुने थियो । दलित भएकै कारण न प्रदेश सांसद नजर नत विद्युत प्राधिकरणको नजर पुगेको छन् ।

बोदे बर्साईन नगरपालिका वडा नम्बर ०५ को अध्यक्ष मो. मजेबुल रहमानको अनुशार हाम्रो वडाको एउटा ट्रान्सर्फमरको फ्युज उडेको थियो , हामी आफै पटकपटक फोन गर्दा पनि चार दिन पछि समस्याको समधान भएको बताउदैँ कार्यालय प्रमुख प्रदिप शर्मा कतिको गैर जिम्मेवार छन् प्रष्ट हुन्छन् उनले भने ।यता सोनापुर गाउँमा पनि विद्युतको तार घर नजिक हुदा जुन बेलापनि ठुलो दुर्घटना हुन सक्ने कार्यालयमा पटक पटक जानकारी गराउदाँ पनि मर्मतको लागि पहल नभएको स्थानीयले भनाइ बताएका छन ।