धनुषामा टिपर र बस एक आपसमा ठोक्किदा १७ जना घाइते

धनुषा , बैशाख ४ गते । धनुषामा टिपर र बस एकआपसमा ठोक्किदा १७ जना घाइते भएका छन् ।घाइते मध्ये एकजनाको अवस्था गम्भीर रहेको छ ।

पूर्व-पश्चिम राजमार्ग अन्तर्गत धनुषाको मिथिला नगरपालिका-९ बडहरीस्थित रहेको श्वस्तिका होटेल अगाडी पश्चिमबाट पूर्वतर्फ आउँदै गरेको प्रदेश २-०३-००१क ६९० नबम्बरको टिपर र विपरित दिशाबाट जाँदै गरेको को.१ ख. ६६९१ नम्बरको बस एकआपसमा ठोक्किदा १७ जना घाइते भएको जिल्ला प्रहरी कार्यालय धनुषाका प्रवक्ता प्रहरी नायव उपरिक्षक मकेन्द्र कुमार मिश्रले जानकारी दिए ।

घाइते मध्ये बसका चालक काठमाण्डौ महानगरपालिका बस्ने अन्दाजी ४२ वर्षीय केशव संग्रौलाको दुबै खुट्टा र हातमा चोट लागेको र उनको अवस्था गम्भीर रहेको डिएसपी मिश्रले बताए ।

दुर्घटनामा घाइतेहरुको विवरण

१. काठमाडौं बस्ने अ. वर्ष ४२ को केशव संग्रौलाको दुबै खुट्टा र हातमा चोट अवस्था गम्भिर
२. जि. पर्सा रानीघाट ८ बस्ने अ. वर्ष ४० को नन्दु बैठाको दाहिने कुम्भ र टाउकोमा चोट अवस्था मध्यम
३. जि. मोरंङ्ग विराटनगर ४ बस्ने अ. वर्ष ४५ को बद्री भुजेलको शरीरमा चोट अवस्था समान्य
४. जि. सप्तरी हरीपुर चितामन ७ बस्ने अ. वर्ष ३० कि आशा देवी चौधरीको शरीरमा चोट अवस्था मध्यम
५. जि. सप्तरी कञ्चनपुर ७ बस्ने अ. वर्ष ४० को महिनारायण पंडित बाया हातमा चोट र शरीरको बिभिन्न भागमा चोट अवस्था मध्यम
६. जि. सर्लाही बागमती न.पा. ८ बस्ने अ. वर्ष १३ कि पर्वता ठकुरीको टाउकोमा चोट अवस्था मध्यम
७. जि. सर्लाही हरिपुर न.पा. १ बस्ने अ. वर्ष ४८ कि यम कुमारी खडकाको दुबै हात र खुट्टामा चोट अवस्था मध्यम
८. जि. सर्लाही हरिवन न.पा. २ बस्ने रञ्जु महराको छोरा वर्ष अ. वर्ष ५ को सुजित महराको वाया खुट्टा शरीरमा चोट अवस्था मध्यम
९. जि. सर्लाही हरिवन न.पा. २ बस्ने रञ्जु महराको छोरा अ.वर्ष ७ को अभिषेक महराको शरीरमा भित्री चोट अवस्था समान्य
१०. जि. सर्लाही बागमति न.पा. ४ बस्ने अ.वर्ष ४० कि राम प्यारी देवी महतोको २ दुबै खुट्टामा चोट अवस्था मध्यम
११. जि. सर्लाही ईश्वरपुर न.पा. ५ बस्ने सती देवी महतोको छोरी अ. वर्ष ९ कि सोनु कुमारी महतोको शरीरमा भित्री चोट अवस्था मध्यम
१२. जि.पर्सा विरगंज १४ बस्ने अ. वर्ष ३७ कि अस्मिता पटेलको दुबै हातमा चोट अवस्था समान्य
१३. जि. पर्सा विरगंज १४ बस्ने अ. वर्ष १४ कि सम्झना पटेलको टाउकोमा चोट अवस्था समान्य
१४. जि. पर्सा विरगंज १४ बस्ने अ. वर्ष १० को आयुष पटेलको खुट्टामा चोट अवस्था समान्य
१५. जि. पर्सा विरगंज १४ बस्ने अ. वर्ष ९ को अंश पटेलको शरीरमा चोट अवस्था समान्य
१६. जि. पर्सा विरगंज १४ बस्ने अ. वर्ष १४ को रितेश पटेलको शरीरमा चोट अवस्था समान्य
१७. जि. सिरहा गोलबजार बस्ने अ. वर्ष १२ कि रुपा शाही ठकुरीको दुबै हात र टाउकोमा चोट अवस्था समान्य

घाइतेहरुको मोडेल अस्पताल लालगढमा उपचार भइरहेको र टिपर चालक फरार रहेकोमा उनको खोजी कार्य भइरहेको इलाका प्रहरी कार्यालय ढल्केवरले जनाएको छ ।