जनकपुरधाम । सशस्त्र प्रहरीको इन्सपेक्टर (प्रहरी निरीक्षक) पदमा एक कपिलबस्तुको विजयनगर गाउँपालिका वडा नम्बर ७ की मधेशी महिला प्रतिभा पाल महिला तर्फबाट सिफरिस भएकी छिन् ।
नाम निकाल्न सफल प्रतिभा पाल एकाएक चर्चामा आएकी हुन् । उनको तस्विर फेसबुक सहितको समाजिक सञ्जालमा भाइरल भइरहेको छ । यतिबेला उनको तस्वीर राखेर बधाई तथा सफल कार्यकालको शुभकामनाले फेसबुकको वाल भरिएको छ।
सशस्त्र प्रहरी बल प्रधान कार्यालयले भदौ ८ गते प्रकाशित गरेको नतिजामा महिला/खुल्ला समूहतर्फ प्रतिभा पाल दोस्रो नम्बरमा नाम निकालेको देखिन्छ । विभिन्न निकायमा मधेसीमाथि भइरहेको विभेदका बाबजुद उनी इन्सपेक्टर पदमा नाम निकालेकी हुन् ।उनी विगत एक वर्ष देखी प्रहरी निरीक्षक पदका लागि मेहनत र तयारी गर्दै आएकी थिइन ।
Discussion about this post