भदौ १० गते सम्म महोत्तरी जिल्लाभरी निषेधाज्ञा जारि (सूचना सहित)

महोत्तरी । महोत्तरी जिल्लाभरि भदौं १ गते राति १२ बजेदेखि भदौं १० गते राति १२ बजेसम्मको लागि निषेधाज्ञा घोषणा गरिएको छ ।स्थानीय प्रशासन ऐन २०२८ को दफा ६(३) बमोजिम जिल्ला भरि निषेधाज्ञा गर्ने निर्णय गरेको जिल्ला प्रशासन कार्यालय महोत्तरीले जनाएको छ ।

प्रमुख जिल्ला अधिकारी श्री कृष्ण बहादुर कटुवाल द्वारा जारी गरको सूचनामा अति आवश्यक व्यापार व्यवसाय बिहान ९ बजेसम्म भने मास्क, ग्लोब्स, सेनिटाइजर अनिवार्य रुपमा प्रयोग गरि र समाजिक दुरी मेन्टन गरि संचालन गर्न पाउने भनिएको छ ।

यसअघि जिल्ला प्रशासनले जलेश्वर नगरपालिका र महोत्तरी गाउँपालिकाको वडा नम्बर ३ र ५ मात्रै साउन १५ गतेदेखि निषेधाज्ञा जारी राखिएको भएपनि जिल्ला भरि नै कोरोना जोखिम बढेपछि प्रशासनले सोमबार रातिदेखि महोत्तरी जिल्ला भरि निषेधाज्ञा गर्ने निर्णय गरिएको प्रमुख जिल्ला अधिकारी कटुवालले बताए ।