जनकपुरधाम/असोज १८ गते । जनकपुरधामस्थित श्री गंगासागर छठ पूजा समितिको अध्यक्षमा सतीशकुमार लाल दास निर्वाचित भएका छन् ।
समितिको नयाँ कार्यसमिति चयनका लागि असोज १७ गते सम्पन्न निर्वाचनमा लालदासले १९ मत प्राप्त गर्दै अध्यक्ष पदमा विजयी भएका हुन् । अध्यक्ष पदका अन्य उम्मेदवार सोनु निधिले १४ मत तथा कमलेश दासले ४ मत प्राप्त गरेका थिए ।
त्यस्तै, उपाध्यक्ष पदमा रामचन्द्र साह २२ मत प्राप्त गर्दै निर्वाचित भएका छन् । उनका प्रतिस्पर्धी सन्तोषकुमार गुप्ताले १४ मत प्राप्त गरेका छन् ।
सहसचिव पदमा महेश खत्वे २५ मतसहित निर्वाचित भएका छन् भने मनोज झाले १६ मत प्राप्त गरेका छन् ।
कोषाध्यक्ष पदमा भने राजकुमार साह र शिवूलाल दासले समान १८–१८ मत प्राप्त गरेका छन् । दुवै उम्मेदवारले बराबर मत पाएपछि कोषाध्यक्ष पदका लागि पुनः निर्वाचन गरिने भएको समितिले जनाएको छ ।
यसैगरी, सचिव पदमा मोहन राय निर्वाचित भएका छन् । सदस्यहरूमा बसन्त वाग्ले, केशव शर्मा, महेन्द्र खत्वे र मण्डल निर्वाचित भएका छन् ।
समितिको नयाँ कार्यसमिति चयनका लागि भएको निर्वाचनबाट नेतृत्व चयन भएसँगै आगामी छठ पर्वको पूजा तथा व्यवस्थापनका गतिविधिलाई थप व्यवस्थित रूपमा अघि बढाउने तयारी गरिएको जनाइएको छ ।
Discussion about this post