जनकपुरधाम,माघ १६ गते।धनुषामा बसको ठक्करबाट एकजनाको मृत्यु भएको छ । धनुषाको लक्ष्मीनिया गाउँपालिका ३ का ५० वर्षीय दिपचन्द्र यादवको मृत्यु भएको हो ।शुक्रबार बिहान लक्ष्मीनिया गाउँपालिका –४ सपहीस्थित सडकमा ना.४ ख १०६९ नम्बरको बसले उनी सवार साइकललाई ठक्कर दिँदा उनी गम्भीर घाइते भएका थिए ।
बसको ठक्करबाट गम्भीर घाइते भएका उनको जानकी हेल्थ केयर अस्पताल जनकपुरमा उपचारको क्रममा मृत्यु भएको धनुषा प्रहरीले जनाएको छ ।बस र चालकलाई नियन्त्रणमा लिई यस सम्बन्धमा प्रहरीले थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
Discussion about this post