जनकपुरधाम । राष्ट्रिय स्वतन्त्र पार्टी (रास्वपा) जनकपुरधाम वडा नं. ०४ मा आयोजित वडा स्तरीय भेला तथा संगठन विस्तार कार्यक्रम सम्पन्न भएको छ। भेलाले मनोज कुमार साहको नेतृत्वमा ११ सदस्यीय नयाँ वडा कमिटी गठन गरेको छ।
नवगठित कमिटीमा मनोज कुमार साह– सभापति, गुड्डु सिंह– उप–सभापति, टिपु सुल्तानिया– सचिव, तथा संजय शर्मा– उप–सचिव चयन भएका छन्।
कार्यक्रम जनकपुरधाम नगर सभापति ललन कुमार नायकको अध्यक्षतामा सम्पन्न भएको थियो। कार्यक्रममा मधेश प्रदेश प्रशिक्षण विभाग प्रमुख रघुविर राय प्रमुख अतिथिका रूपमा उपस्थित रहे। साथै, RAT विभाग संयोजक तथा संगठन विभागका उप–प्रमुख अम्भु प्रसाद साह, मधेश प्रदेश भष्टाचार निवारण विभाग प्रमुख रामबाबु राय यादव, र धनुषा जिल्ला सभापति प्राधानाध्यापक लक्ष्मेश्वर यादव सहितका अतिथिहरुको उपस्थिति रहेको थियो।
कार्यक्रममा जनकपुरधाम नगर सदस्य रवि मुरारका, वडा नं. १ सभापति सत्रुधन साह, वडा नं. १५ ई. सरोज साह, वडा नं. १५ का अजय यादव, वडा नं. २५ का रामबाबु ठाकुर, वडा नं. २४ संयोजक शत्रुधन साह, साथै पत्रकार, युवा, अभिभावक र स्थानीय जनसमुदायको उल्लेखनीय सहभागिता रहेको थियो।
Discussion about this post