संविधान प्रदत्त अधिकार कार्यान्वयन हुन नसक्नु चिन्ताको बिषय हो: मन्त्री लेखी

मधेश प्रदेशका सरकारका प्रवक्ता एवम गृह, सञ्चार तथा कानुन मन्त्री राजकुमार लेखीले संविधानले प्रदान गरेको अधिकारहरू अझै प्रभावकारी रूपमा कार्यान्वयन हुन नसकेको बताएका छन्। सोमबार जनकपुरधाममा मिडिया काउन्सिलद्वारा आयोजित पत्रकार आचारसंहिता पालना सम्बन्धी गोष्ठीमा मन्त्री लेखीले तीन तहको सरकार गठन भए तापनि संविधानमा उल्लेखित अधिकारहरूको पूर्ण कार्यान्वयन हुन नसकेको धारणा व्यक्त गरे।उनले संविधानमा स्वायत्त प्रदेश, स्वायत्त क्षेत्र, र स्वायत्त इलाका निर्माणको व्यवस्था गरिएको भए पनि ती संरचनाहरू अहिलेसम्म गठन हुन नसक्नु चिन्ताको बिषय रहेको साथै यस बिषयमा राजनीतिक दल, सञ्चारकर्मी, अन्य सरोकारवालाहरूको ध्यान नजादा ब्यबस्था बिरोधिहरुको चलखेल बढ्दै गएको कुरामा दुखसमेत ब्यक्त गरेका छन।