गिरिजानन्द साह/जनकपुरधाम/फागुन २० गते। जनकपुरधाममा बिवाईडी(BYD) चौथो अन्तर स्कुल टी–२० क्रिकेट प्रतियोगिता अन्तर्गत आज भएको खेलमा मदर टरेसा पब्लिक स्कुल र न्यु भिजन स्कूल विजय भएका छन ।
आजको पहिलो खेल सिद्धार्थ शिशु सदन स्कुल र किड्डी कन्भेन्ट स्कुल बीच भएको थियो जसमा सिद्धार्थ शिशु सदन स्कुलले टस जितेर पहिला ब्याटिंग रोजेको थियो। सिद्धार्थ शिशु सदन स्कुलले ब्याटिङ गर्दै सबै विकेट गुमाएर ८४ रन बनाएको थियो। किड्डी कन्भेन्ट स्कुललाई जितको लागि ८५ रनको लक्ष्य दिएको थियो । सिद्धार्थ शिशु सदन स्कुलको टिमका लागि मुकेशले ३१ बलमा सर्वाधिक २३ रन र सिद्धार्थले १४ रनको योगदान दिएको थियो । किड्डी कन्भेन्ट स्कुलका लागि बलिङ्ग गर्दै अब्दुल्लाहले ३ विकेट र फहादले २ विकेट लिन सफल भएका थिए ।
खेलमा जवाफी ब्याटिङका लागि आएका किड्डी कन्भेन्ट स्कुलका खेलाडीहरु ६ विकेट गुमाउदै ८५ रन बनाउदै खेल जित्न सफल भयो। किड्डी कन्भेन्ट स्कुलका लागि फहाफले सर्वाधिक ३१ रन र अमलेशले १९ रनको योगदान दिएको थियो । सिद्धार्थ शिशु सदन स्कुलको लागि बलिङ गरेको आयुष यादवले ९ रन खर्चेर १ विकेट र बजरंगी मण्डलले १३ रन खर्चेर २ विकेट लिन सफल भएका थिए । यस खेलको म्यान अफ दि म्याच किड्डी कन्भेन्ट स्कुलको फहद लाई प्रदान गरिएको थियो ।
त्यस्तै आजको दोस्रो खेल राजर्षी जनक स्कुल र संकट मोचन स्कुल बीच भएको थियो। जसमा राजर्षी जनक स्कूलले टस जितेर पहिला ब्याटिङको रोजेको थियो । पहिले ब्याटिङ गर्दै राजर्षी जनक स्कूलका खेलाडीहरु सवै विकेटको गुमाउदै १०१ रनको योगफल तयार पारेको थियो । संकट मोचन स्कूललाई जितको लागि १०२ रनको लक्ष्य दिएको थियो । यस टिमका लागि अहमदले १४ रन र शुभमले १३ रनको योगदान दिएका थिए। संकट मोचन स्कुलको लागि निखिलले ३ विकेट र आकाशले २ विकेट लिन सफल भएको थियो । जवाफ ब्याटिङका लागि आएका संकट मोचन स्कुलले ९ विकेट गुमाउँदै १०२ रनको लक्ष्य पुरा गर्न सफल भएको थियो। यो खेलमा संकट मोचन स्कुलले १ विकेटको रोमाञ्चक जित हात पर्न सफल भयो । संकट मोचन स्कुलका लागि राहुल यादवले २१ रन सोनु यादवले २० रनको योगदान दिएको थियो । राजर्षी जनक स्कुलका लागि अहमदले ३ विकेट र अलताफले २ विकेट लिन सफल भएका थिए । खेलका म्यान अफ दि म्याच राजर्षी जनक स्कुलका अहमद हुसैन लाई प्रदान गरिएको थियो ।
प्रतियोगितामा १६ वटा विद्यालयले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ। भोली पहिलो खेल मोनास्टिक स्कुल र राष्ट्रिय मा.वि स्कुल बीच र दोस्रो खेलएर्रे स्कुल र जनकपुर पब्लिक स्कुल बीच हुने आयोजकले जानकारी दिएको छ ।
Discussion about this post