मन्दिरभित्र अ श्लील हर्कत गर्दै भिडियो बनाउने दुई महिला प्रहरीको जागिर गयो

मन्दिरभित्र बनाएको आ पत्तिजनक भिडियोका कारण दुई महिलाको आलोचना भइरहेको छ । उज्जैन महाकालेश्वर मन्दिर भारतको मध्य प्रदेशमा पर्दछ ।

वर्षमा त्यहाँ करोडौं श्रद्धालुहरू जान्छन् । यसबीच त्यस मन्दिरका दुई महिला सुरक्षाकर्मी यतिबेला आलोचनाको सिकार भइरहेका छन् ।

मन्दिरको गर्भगृहमा नाच्दै गरेको भिडियो सामाजिक सञ्जालमा भाइरल भयो । त्यसपछि मन्दिर प्रशासनले दुवै सुरक्षाकर्मीलाई ड्युटीबाट निकाल्यो ।

महाकाल मन्दिरको गर्भगृह र नन्दी हलमा मोबाइल चलाउनसम्म पाइदैँन् । जसरी ‘यहाँ फोहोर नफाल्नुहोला भनेको ठाउँमा फोहोर फाल्छन्’ त्यसरी नै श्रद्धालुहरूले मन्दिरमा भिडियो बनाउँछन् ।

यसपटक मन्दिरका दुई महिला सुरक्षाकर्मी मात्रै ‘आरोपी’ छन् । मन्दिरमा उनीहरू ‘जिने के बहने लाखौं, प्यार करते करते’ जस्ता अश्लील गीतमा नाँचेका छन् । दुई महिलाहरूको भिडियो सामाजिक सञ्जालमा भाइरल भएपछि कारबाही गरिएको हो । भिडियो भाइरल भएपछि हंगामा भयो ।

दुई महिलाले गरेको अपाच्य व्यवहारबाट श्रद्धालुको भावनामा चोट पुग्यो । तनाव बढ्दै जाँदा मन्दिर प्रशासनले कारबाही गर्नुपरेको हो ।

दबाब बढेपछि मन्दिर प्रशासन ती दुई आरोपी महिलालाई कामबाट निकाल्न तयार भएको हो । उनीहरूको नाम पूनम सेन र वर्षा नवरङ हो । दुवैलाई तत्काल कामबाट हटाइयो ।

उज्जैनका एसडीएम सन्तोष टैगोरले भिडियोबारे जानकारी पाउनेबित्तिकै कारबाही गरिएको जानकारी गराए । उनले भने, ‘महाकाल लोक उद्घाटनपछि भक्तजनको सङ्ख्या बढेको छ ।

गर्भगृहमा आउने भक्तहरूले सेल्फी लिन्छन्, फोटो खिच्छन्, जसका कारण सर्वसाधारणले दर्शन गर्दा समस्या भोग्नुपरेको थियो । अहिले हामी अघिल्लो निषेधाज्ञा कार्यान्वयनमा फर्केका छौं । मोवाइल बोक्न र गर्भगृहभित्र फोटो खिच्न कडा प्रतिबन्ध छ र रहनेछ ।’

हालसालै, मन्दिर र गर्भगृह भित्रका भिडियोहरूले सामाजिक सञ्जालमा धेरै हंगामा मच्चाए, त्यसपछि मध्य प्रदेशका गृहमन्त्री नरोत्तम मिश्रले छानबिनको आदेश पनि दिएका थिए । नोभेम्बरमा, प्रशासनले मन्दिरको गर्भगृहभित्र फोटोग्राफी र मोबाइल फोनमाथि प्रतिबन्ध लगाएको थियो ।