भदौ १५ गते । रौतहटको गढीमाई नगरपालिका ६ धरमपुरमा कृष्ण जन्माष्टमीको अवसरमा स्थानीयले आयोजना गरेको एक कार्यक्रममा बर्दीमै नाचेका प्रहरी नायब निरीक्षक (सई) राजकिशोर साहलाई मधेश प्रदेश प्रहरी कार्यालय तानिएको छ ।
लवन्डा नाच्ने कार्यक्रमको मञ्चमै पुगेर सई साह नाचेको भिडियो सामाजिक सञ्जालमा भाइरल भएको थियो । घटना लगत्तै प्रहरी आचरणविरुद्ध कार्य गरेको भन्दै जिल्ला प्रहरी गौरले उनलाई चौकीको इन्चार्जबाट हटाएर अनुसन्धान थालेको थियो ।
मधेश प्रदेश प्रहरी कार्यालय जनकपुरका प्रमुख डीआईजी मसउद आलम खाँले सई साहलाई निलम्बन नगरेको बताए ।
‘कारबाही प्रक्रिया अघि बढाएका छौं । निलम्बन गरेका छैनौं,’ उनले भने, ‘अनुसन्धान सकिएपछि दोषी देखिए कारबाही हुन्छ ।’ प्रदेश प्रहरीले सई साह नाचेको भिडियोको सनाखत गर्न लागेको छ ।
Discussion about this post