आज प्रदेश २ मा थप ८४ जनामा कोरोना संक्रमण पुष्टि,आज प्रदेश २ मा थप २ जनाको मृत्यु संगै प्रदेश भरिमा मृत्यु हुनेको जम्मा संख्या १०० पुग्यो

जनकपुरधाम।स्वास्थ्य निर्देशनालयका अनुसार पछिल्लो २४ घण्टामा प्रदेश २ मा थप ८४ जना कोरोना संक्रमित थपिएका छन् ।यो संगै संक्रमिसँगै कुल संख्या ११ हजार ६१ जना पुगेको छ ।

शनिवार बारामा सबैभन्दा बढी १ सय ६६ जना कोरोना संक्रमित कोरोना मुक्त भएका छन् । धनुषामा ९ सय २१, रौतहटमा ८ सय ६८, सर्लाहीमा ७ सय ५०, सप्तरीमा ६ सय ४१, बारामा ४ सय ६२, महोत्तरीमा ४ सय ५३ र सिरहामा ३ सय ५७ जना कोरोना मुक्त भएको सामाजिक विकास मन्त्रालय प्रदेश २ ले जनाएको छ ।हालसम्म ५ हजार ६ सय २ जना कोरोना संक्रमित कोरोना मुक्त भइसकेको वरिष्ठ जनस्वास्थ्य प्रशासक झाले बताए ।

त्यस्तै आज ८४ जना कोरोना संक्रमित थपिएकोमा सबैभन्दा बढी सप्तरीमा ३३ जना संक्रमित थपिएका छन् । त्यस्तै महोत्तरीमा २५, बारामा १२, पर्सामा ८ र धनुषामा ३ जनामा कोरोना संक्रमण पुष्टि भएको छ । यो सँगै यस प्रदेशमा ११ हजार ५८ जनामा कोरोना संक्रमण पुष्टि भएको छ ।

सप्तरीको बोदे बसाईन नगरपालिकामा ३ जना, राजविराज नगरपालिकामा ९, तिलाठी कोईलाडी गाउँपालिकामा ५ र तिरहुत गाउँपालिकामा १६ जना संक्रमित थपिएका छन् भने महोत्तरीको लोहरपट्टी नगरपालिकामा २, पिपरा गाउँपालिकामा १, गौशाला नगरपालिकामा १७, गौशाला नगरपालिकामै घर भई स्वास्थ्य कार्यालय धनुषामा रहेका १ सशस्त्र प्रहरीको छिन्मस्ता बाहिनीमा ३ र औरही नगरपालिकामा १ जनामा कोरोना संक्रमण पुष्टि भएको छ ।

बाराको आर्मी ब्यारेक जितपुर सिमरामा ३ जना, सिमरौनगढ नगरपालिकामा ६, जिल्ला प्रहरी कार्यालय कलैयामा ३ जनामा कोरोना संक्रमण पुष्टि भएको छ भने पर्साको वीरगंजमा २, पर्सागढी नगरपालिकामा २, जसौलेमा १ र नाबिल बैँकका ३ जना कर्मचारीमा कोरोना संक्रमण पुष्टि भएको छ ।

त्यस्तै धनुषाको जनकनन्दिनी गाउँपालिका, वल्ड लिंकको कार्यालय र ल्याण्ड रिफर्मसका १-१ जनामा कोरोना संक्रमण पुष्टि भएको वरिष्ठ जनस्वास्थ्य प्रशासक झाले बताए ।

आज पर्सा जिल्लाको पकहा मैनपुर गाउँपालिका वडा नं. २ का ७५ वर्षीय पुरुष र वीरगंज महानगरपालिका वडा नं. १० आदर्शनगरका ७७ वर्षीय पुरुषको मृत्यु भएको झाले बताए ।यो संगै प्रदेश २ मा भरिमा मृत्यु हुनेका संख्या १०० पुगेको छ।