उमेश कुमार साह/राजविराज/कार्तिक १४ गते । छठ पर्व शुरु भएसँगै सप्तरीको डोम समुदाय बाँस र बेतका चोया बनाउनमा व्यस्त भएका छन् ।
छठको पहिलो दिन आज अरबा–अरबाइन शुरु भएको छ । छठ पर्व मनाउने व्यक्तिको सङ्ख्यामा वृद्धिसँगै प्रत्येक व्यक्तिलाई बाँसको भाँडाकुँडा पु¥याउन डोम जातिका सदस्य व्यस्त छन् भने उनीहरुलाई ती सामग्री बनाउन अहिले भ्याइनभ्याइ भएको बोदे बर्साईन नगरपालिका वडा नम्बर – ०६ मलहनिया का दिलीप मरिक(डोम)ले बताउनुभयो ।
छठ पर्व मनाउने प्रत्येक तराईवासीले छठमाता तथा सूर्यदेवतालाई बाँस र बेतबाटै बनाइएका डालो, नाङ्लो र टपरीमा अघ्र्य दिनुपर्ने हुन्छ । प्रत्येक परिवारमा पाँच/सातवटा बाँसका भाँडाकुँडा किन्नुपर्ने भएकोले उक्त समुदायमा व्यस्तता बढेको बताइएको छ ।
सप्तरी जिल्ला लगायत तराईका विभिन्न ठाउँमा अहिले डालो, नाङ्लो र टपरीलगायतका सामान डोमसमुदाय बिक्रीवितरण गर्नमा व्यस्त देखिएको छ । गाउँ गाउँमा डोम जातिका प्रत्येक घरमा बाँस र बेतको थुप्रो राखिएको छ ।
परिवारका सबैजना बाँस र बेतका सामग्री बनाउन सक्रिय रहेको बोदे बर्साईन नगरपालिका– ०२ बरहा का प्रवेश यादवको भनाइ छ । यो समुदायको जीविकोपार्जन यही पैसाबाट चल्ने भएकाले पनि अहिले डालो, नाङ्लो र टपरी लगायतका समान बनाउन लागिपरेको उहाँले बताउनुभयो ।
Discussion about this post