जनकपुरमा जनमत पार्टीका कार्यकर्ताले खानेपानी संस्थानका हाकिमलाई अर्ध न ग्न गरी नगर घुमाइयो

जनकपुरधाम/कार्तिक ४ गते।डा. सिके राउत नेतृत्वको जनमत पार्टीका कार्यकर्ताहरुले ढल निर्माणमा अनियमितता भएको भन्दै नेपाल खानेपानी संस्थान जनकपुरका निमित्त प्रमुखलाई अर्ध न ग्न गरी जनकपुर बजार घुमाएका छन् ।

धेरै बर्षाको कारण जनकपुरधाम जलमग्न भएपछि ढल निर्माणमा अनियमितता भएको भन्दै सीके राउत नेतृत्वको जनमत पार्टीका कार्यकर्ताले नेपाल खानेपानी संस्थान जनकपुरधामका निमित्त प्रमुख राजेश्वर कुश्वाहालाई कुट पिट गर्दै नगर घुमाएका छन्।

दुई दिनकै वर्षामा पानीको निकास ढल भएर बग्न नसकेपछि जनमत पार्टीका नेताकार्यकर्ताले नेपाल खानेपानी संस्थान जनकपुरधामका निमित्त प्रमुख राजेश्वर कुश्वाहालाई कुट पिट गर्दै नगर परिक्रमा गराएका हुन्।

जनकपुरधामको रामानन्द चोकस्थित कार्यालयमा लाठीसहित पुगेका जनमत पार्टीका दर्जनौं कार्यकर्ताले कुश्वाहालाई जबर जस्ती कार्यालयबाट बाहिर निकालेर कुट पिट गर्दै नगर परिक्रमा गराएका थिए।उनीहरुले निमित्त प्रमुख कुश्वाहाको कपडा च्यात्नुका साथै नालामा रहेको हिलो दलिदिएका थिए।

जनमत पार्टीले खानेपानी सँस्थानमा ज्ञापन पत्र बुझाउँदै ढल निकासको उचीत व्यवस्थापनको लागि बारम्बार अपिल गरेको थियो । त्यसपछि जनमत पार्टीका कार्यकर्ताहरुले खानेपानी सँस्थानमा तालाबन्दी समेत गरेको थियो ।

यतिसम्म गर्दा पनि प्रमुख कुश्वाहाले विहिबार जनमत पार्टीका कार्यकर्ताहरुले जनकपुरमा ढल निकासको उचीत व्यवस्थापनको लागि योजनाको बारेमा सोध्न गएपछि उनीहरुसँग चर्को स्वरमा बोलेपनि प्रमुख कुश्वाहालाई समातेर नगर परिक्रमा गराएको छ ।

आज प्रदर्शनमा सहभागी जनमत पार्टीका कार्यकर्ताहरुले जनकपुरधामका मेयर लालकिशोर साहलाई पनि भ्रष्टाचारी भन्दै नाराबाजी गरेका छन् । मेयर साहलाई समेत जनकारवाही गर्ने उनीहरूले चेतावनी दिएका थिए ।