सप्तरीमा पञ्चायतमै वडाअध्यबाटै एक दलित युवक कुटिए

सप्तरी/असोज २६ गते।सप्तरीमा वडाअध्यक्षको कुटाईबाट एक युवक गम्भिर घाइते भएको छ ।

महिला भगाएको विषयमा बसेको पञ्चायती (छलफल) मा रुपनी गाउँपालिका १ का वडा अध्यक्ष पिताम्बर यादव सहित समूहको कुटाइबाट स्थानीय २५ बर्षीय पुरुषोत्तम सदालाई मरणासन्न हुनेगरी कुटपीट गरेको हो ।

पञ्चायतमा वडा अध्यक्षसहितका पाँच जनाको समूहले युवकलाई मरनासन्न हुनेगरी कुटपिट गरेको स्थानीय राजु जयसवालले बताए । कुटपिटबाट युवक गम्भीर घाइते भएपछि स्थानीयले प्रहरीलाई खबर गरेका थिए ।

घटनास्थलमा प्रहरी पुग्दा सबैजना भागेको जयसवालले जानकारी दिए । घाइते युवकको राजविराजको गजेन्द्रनारायण अस्पताल उपचार भईरहेको छ ।

सप्तरीका प्रहरी प्रवक्ता प्रहरी उपरीक्षक माधवप्रसाद काफ्लेले पनि घटनाबारे प्रहरीलाई जानकारी आएको बताए । उनले पीडितबाट जाहेरी आइनसकेको बताउँदै जाहेरी आउन साथ घटनामा संलग्नहरूमाथि कारबाही हुने बताए ।

वडा अध्यक्ष यादवले भने आफुले कसैलाई कुटपिट नगरेको जनाए।रुपनी गाउपालिका वडा नम्बर १ मुसहरिमा टुहुरा नाबालक छोराछोरीलाई र भारतमा मजदुरी गर्ने श्रीमान लाई अलपत्र छोडि ३५ वर्षीय श्रीमती आफ्नै छिमेकि १८ वर्षिय केटा संग भागि बहु बिबाह गरेका हुन् । सोहि बिषय लाई लिएर इलाका प्रहरी कार्यालय रुपनीमा निबेदन परेको हुदा उक्त कुरा उप्पर छलफल गर्न बसेको पञ्चायतीमा भरभलादमि छलफल गरिरहेको बेला आरोपित रक्सि खाएर धुत रहेको र भरभलादमि लाई अश्लिल शब्द प्रयोग गरि गाली गरेकोले छलफलमा बसेका केही व्यक्तिबीच सामान्य घम्साघम्सी मात्र भएको उनले सुनाए । युवक आफै लागुऔषध सेवन गरेर बेहोश भएको अध्यक्ष यादवको दावी रहेको छ ।