अरुण कुमार अक्षय/राजविराज/भदौ १७ गते।सप्तरीका प्रमुख जिल्ला अधिकारी जयनारायण आचार्यले आज कोशी तटबन्धको निरिक्षण एवम अनुगमन गर्नुभएको छ ।
उहाँको नेतृत्वमा जिल्लाको तिलाठी कोइलाडी गाउँपालिकामा अवस्थित कोशी नदीमा निर्माण गरिरहेका तटबन्ध बाध(स्पर)को निरिक्षण गर्नुभएको हो ।
कोशीको उच्च जोखिमलाई निराकरण तथा व्यवस्थापन गर्नको लागि त्यहाँ अनुगमन गरिएको जनाइएको छ ।केही दिन यता लगातार परिरहेको बर्षाका कारण कोशी नदिमा आएको बाढीले त्यहाँ निर्माण भइरहेको तटबन्धको निरिक्षण गर्दै कोशी तटबन्धमा भइरहेको कामहरुको गुनस्तर बारे जानकारी लिनुभएको छ ।
तिलाठी कोइलाडी गाउँपालिकास्थित कोशी नदीको छेउमा तटबन्ध बाध(स्पर) निर्माण गरिएको छ । उक्त ठाउँमा भारतीय ठेकेदार कम्पनीले तारजाली र बोरामा बालु हालेर तटबन्ध निर्माण गरिएको छ ।
कोशी नदिमा आएको बाढीले तिलाठी कोइलाडी गाउँपालिकासहित अन्य गाउँमा बाढी पस्न नदिनको लागि अहिले तारजाली र बोरामा बालु हालेर निर्माण कार्य जारी राखेको अनुगमनमा सहभागि सप्तरी युथ नेपालका कोषध्यक्ष बिष्णु यादवले जानकारी दिनुभयो ।
सो क्रममा तिलाठी कोइलाडी गाउँपालिकाका अध्यक्ष सतिश सिँहले सन्तोष जनक काम भइरहेको बताउदै यहाँ निर्माण गरिरहेका मजदुरहरुलाई सहयोग गर्नुपर्ने जोड दिनुभयो । सो अनुगमणमा बिभिन्न निकायका सुरक्षाकर्मी,स्थानियबासी र तिलाठी कोइलाडीका गाउँपालिका अध्यक्षसहित कर्मचारीहरु सहभागि रहेको थियो ।
Discussion about this post