महोत्तरी/भदौ ८ गते।पूर्वपश्चिम राजमार्गमा पर्ने महोत्तरीको लक्ष्मीनिँयामा पेट्रोल ट्यांकरले मोटरसाइकललाई ठक्कर दिँदा एक युवाको ज्यान गएको छ भने एक जना घाइते भएका छ्न।
सोमबार राति ना ३ ख ८८०० नम्बरको तेल ट्यांकरले ज ४ प २७०० नम्बरको मोटरसाइकललाई ठक्कर दिँदा धनुषाको मिथिला नगरपालिका–३ का ३३ वर्षीय धनपैत महतोको ज्यान गएको हो।
मोटरसाइकलको पछाडि बसेका सर्लाहीको हरिवन नगरपालिकाको अत्रौलीका १३ वर्षीय नवीन महतो दुर्घटनामा गम्भीर घाइते भएका इलाका प्रहरी कार्यालय बर्दिवासले जनाएको छ।
राति करिब १० बजे महतो चढेको मोटरसाइकललाई ट्यांकरले ठक्कर दिँदा दुर्घटना भएको प्रहरीले जनाएको छ। दुर्घटनामा गम्भीर घाइते भएका दुवैलाई तत्काल उद्धार गरी उपचारको लागि बर्दिवास लगिएको थियो।
बर्दिबासको शुभस्वस्तिक अस्पताल पुर्याउनासाथ चिकित्सकले धनपैतलाई मृ त घोषणा गरेका इप्रका बर्दिवासका प्रहरी नायब उपरीक्षक वीरेन्द्र थापाले जानकारी दिए। अर्का घाइते नवीनलाई थप उपचारका लागि प्रादेशिक अस्पताल जनकपुरधाम लगिएको छ।
मृतक महतोको श व परीक्षणका लागि मंगलबार बिहान प्रादेशिक अस्पताल जनकपुरधाम पठाइएको छ। तेल ट्यङ्कर, त्यसका चालक र मोटरसाइकललाई प्रहरीले नियन्त्रणमा राखेको छ।
Discussion about this post