धनुषा/जेठ ४ गते । राष्ट्रिय प्रजातन्त्र पार्टी नेपालको समावेशी समूहअन्तर्गत मधेशी समूहको रिक्त रहेको मधेश प्रदेशसभा सदस्य पदको सरिता कुमारी ठाकुरले शपथ लिएकी छन् ।
महोत्तरीको गौशाला नगरपालिका–१२ निवासी ठाकुरलाई निर्वाचन आयोगले गत वैशाख ३० गतेको निर्णयअनुसार प्रदेशसभा सदस्य पदको शपथ ग्रहण गराइएको हो । सभामुख रामअशिष यादवले उनलाई प्रदेशसभा सदस्यको शपथ ग्रहण गराएका छन् ।
ठाकुर निर्वाचित भएपछि पार्टीका नेता तथा कार्यकर्ताले बधाई तथा सफल कार्यकालको शुभकामना व्यक्त गरेका छन् । नवनिर्वाचित प्रदेशसभा सदस्य सरिता कुमारी ठाकुरले जनताको अपेक्षाअनुसार काम गर्दै प्रदेशको समृद्धि, सुशासन र समावेशी विकासका लागि सक्रिय भूमिका निर्वाह गर्ने प्रतिबद्धता व्यक्त गरेकी छन् ।
Discussion about this post