धनुषा/फागुन ९ गते । फागुन २१ गते हुने निर्वाचनको मिति नजिकिदै गईरहेको समयमा रास्वपा पार्टीमा प्रवेश गर्नेहरुको संख्या बढ्दै गईरहेको छ । धनुषा निर्वाचन क्षेत्र नम्बर ३मा समेत दिनहुँ रास्वपाको पार्टी प्रवेश कार्यक्रम हुँदै आईरहेको छ । शनिबार रास्वपा पार्टीले धनुषा ३ अन्तर्गतको नगराइन नगरपालिकास्थित गंगुलीमा आयोजना गरिएको पार्टी प्रवेश कार्यक्रममा १ सय २५ जनाले पार्टी प्रवेश गरेका हुन् ।
विभिन्न पार्टी परित्याग गरी रास्वपामा प्रवेश गर्नेहरुलाई रास्वपाका प्रवक्ता एवं धनुषा ३का उम्मेदवार मनिष झाले स्वागत गरेका थिए । पार्टी प्रवेश कार्यक्रमलाई सम्बोधन गर्दै उम्मेदवार झाले परिवर्तनको नारा धनुषा ३मा गुञ्जिरहेको बताए । उनले रास्वपा पार्टीप्रतिको लहरले परिवर्तनको नारालाई बुलन्द बनाईरहेको बताए ।
धनुषा ३का मतदाता पुराना राजनीतिज्ञहरुबाट आजित आईसकेकाले परिवर्तनको मूडमा रहेको उनको दावी थियो । घरदैलोको क्रममा समेत मतदाताहरुमा रास्वपाप्रति लहर देखिएको उनले दावी गरे । यस अघि यहाँबाट जितेर जाने उम्मेदवारहरु भोटबैंकको रुपमा मात्रै प्रयोग गरेको आरोप लगाउँदै झाले यहाँका मतदाता यस पटक परिवर्तनको सोच बनाइसकेको उनले बताए । त्यसैले रास्वपा पार्टीमा प्रवेश गर्नेहरुको लहर बढ्दो छ, यो लहरलाई कुनै शक्तिले रोक्न नसक्ने उनको भनाई थियो ।
Discussion about this post