जनकपुरधाम/जेठ २० गते। थारु अन्तर्राष्ट्रिय महासभा तथा विभिन्न थारु संघसंस्थाहरूको संयुक्त आयोजनामा जनकपुरधाममा आयोजित दुईदिने थारु अन्तर्राष्ट्रिय सांस्कृतिक सम्मेलन सफलतापूर्वक सम्पन्न भएको छ। जेठ १९ र २० गतेसम्म चलेको उक्त सम्मेलनमा नेपाल र भारतका थारु समुदायका प्रतिनिधिहरूको उल्लेखनीय सहभागिता रहेको थियो।
सम्मेलनमा थारु अन्तर्राष्ट्रिय महासभाको अवधारणा, उद्देश्य, संगठनात्मक संरचना तथा थारु समुदायले भोगिरहेका साझा चुनौतीहरूको समाधानबारे गहिरो छलफल गरिएको आयोजकले जनाएको छ। बन्द सत्रपछि जारी गरिएको ७ बुँदे घोषणापत्रमा आतंकवादको कडा भत्र्सना,सीमा क्षेत्रमा थारु समुदायको सक्रिय पहलकदमी,भाषा, संस्कृति तथा इतिहासको संरक्षण,आदिवासी अधिकारको संरक्षण तथा प्रवर्द्धनका लागि अन्तर्राष्ट्रिय लविङ्ग,सांस्कृतिक अनुसन्धान केन्द्र स्थापनाको प्रस्ताव,भारत र नेपालमा महासंघका च्याप्टरहरूलाई सक्रिय बनाउने,अन्य देशहरूमा पनि संगठन विस्तार गर्ने।
सम्मेलनले थारु अन्तर्राष्ट्रिय महासंघको नेपाल च्याप्टर गठन गर्ने निर्णयसमेत गरेको छ, जसका संयोजकमा श्रवण थारुलाई चयन गरिएको छ। महासभाले नेपाल र भारतका च्याप्टरहरू घोषणापत्र कार्यान्वयनमा क्रियाशील रहने प्रतिबद्धता व्यक्त गरेको छ। यस सम्मेलनमार्फत थारु समुदायका हक–अधिकार, पहिचान र सांस्कृतिक संरक्षणका पक्षमा क्षेत्रीय तथा अन्तर्राष्ट्रिय समन्वय विस्तार गर्दै जानुपर्ने स्पष्ट सन्देश दिइएको छ। आयोजकहरूले अन्य देशहरूमा समेत संगठन विस्तार गर्दै विश्वभर छरिएर रहेका थारु समुदायलाई एक सूत्रमा बाँध्ने दिशामा अगाडि बढ्ने प्रतिबद्धता जनाएका छन्।
Beta feature
Discussion about this post