सिटिजन्स बैंकको बोदे बर्साईन शाखा नयाँ भवनमा,आइतबारदेखि कारोबार सुरु

बोदे बर्साईन/सप्तरी/उमेश कुमार साह/फागुन १२ गते। सिटिजन्स बैंक इन्टरनेसनल -लिमिटेडले फाल्गुन ११ गते देखि हाल रहेको भवन बोदे बर्साईन नगरपालिका वडा नं. ५ बोदे बर्साईन धर्मशाला अगाडि देखी करिब २० मिटरको पश्चिम तर्फ दुरिमा रहेको भवनमा स्थानान्तरण गरि बैंकिङ कारोबार संचालन गरेको छ।

उक्त शाखाको उद्घाटन समारोहमा जिल्लाका उच्चपदस्थ सरकारी कर्मचारी, उद्योगी, व्यापारी विभिन्न संघ संस्थाका प्रमुख तथा नागरिक समाजका , जनप्रतिनिधि अगुवाहरुको बाक्लो उपस्थिति रहेको थियो । सुविधा सम्पन्न भवनबाट थप छिटो, छरितो, चुस्त र दुरुस्त रूपमा ग्राहकहरुलाई बैंकिङ सेवा प्रदान गर्ने प्रतिबद्धता बैंकले जनाएको छ ।

हाल बैंकले १९९ वटा शाखा सहित ग्राहकवर्गलाई आधुनिक बैंकिङ सेवाहरु प्रदान गर्दै आएको छ। ग्राहकवर्गहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैंकास्योरेन्स, आस्वा, ड्राफ्ट, भिसा एटिएम कार्ड सेवा, भिसा इन्टरनेसनल डलर कार्ड सेवा, साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध रहेको बोदे बर्साईन शाखाका प्रमुख राम कुमार साहले बताए ।