गिरिजानन्द साह/माघ २१ गते। जनकपुरधाममा सहकारी सुशासन प्रवर्द्धन सम्बन्धि मधेस प्रदेशस्तरीय अभिमुखिकरण कार्यक्रम सम्पन्न भएको छ। आइतबार सम्पन्न कार्यक्रमको प्रमुख अतिथि मधेस प्रदेशका मुख्यमन्त्री सतिशकुमार सिंह रहेका थिए भने कार्यक्रमको अध्यक्षता राष्ट्रिय सहकारी महासङ्घ लिमिटेड नेपालका अध्यक्ष ओमदेवी मलले गर्नु भएको थियो ।
कार्यक्रमका प्रमुख अतिथी मुख्यमन्त्री सिंहले सहकारीहरूले आफ्ना उद्देश्यअनुसार पारदर्शिता र सुशासन कायम गर्दै काम गर्नुपर्नेमा बताउनु भएको छ । उहाँले सहकारीको उद्देश्य अनुसार काम नगर्ने प्रवृत्ति देखिएको भन्दै सहकारीहरूले समाजमा सकारात्मक परिवर्तन ल्याउनेतर्फ ध्यान दिनुपर्ने पनि बताउनुभयो। साथै, साना उत्पादनहरूलाई बजारीकरण गर्दै आर्थिक सुधारमा टेवा पुर्याउने प्रभावकारी भूमिका खेल्न सहकारीकर्मीलाई आग्रह समेत गर्नुभएको छ ।
कार्यक्रमको अध्यक्षता गर्नु भएका राष्ट्रिय सहकारी महासङ्घ लिमिटेड नेपालका अध्यक्ष ओमदेवी मलले सहकारीले समाज रूपान्तरणका लागि विभिन्न क्षेत्रमा कामकाज गरे पनि केही व्यक्तिका कारण सहकारी क्षेत्र बदनाम हुन पुगेको धारणा राख्नुभयो । कार्यक्रमको अध्यक्षता गर्नु भएका राष्ट्रिय सहकारी महासङ्घ लिमिटेड नेपालका अध्यक्ष ओमदेवी मलले सहकारीले समाज रूपान्तरणका लागि विभिन्न क्षेत्रमा कामकाज गरे पनि केही व्यक्तिका कारण सहकारी क्षेत्र बदनाम हुन पुगेको पनि बताउनु भएको छ।
कार्यक्रममा मधेस प्रदेशका प्रहरी प्रमुख लालमनि आचार्य,राष्ट्रिय सहकारी महासङ्घ लिमिटेड नेपालका अध्यक्ष ओमदेवी मल, राष्ट्रिय सहकारी महासङ्घ लिमिटेड नेपालका वरिष्ठ उपाध्यक्ष रमेशप्रसाद खरेल, राष्ट्रिय सहकारी महासङ्घ लिमिटेड नेपालका सञ्चालक नथुनी यादव, श्यामप्रसाद गुप्ता, टेकप्रसाद चौलागाई, राष्ट्रिय सहकारी महासङ्घ लिमिटेड नेपालका महाप्रबन्धक सुरेश थापासहितको मधेशको आठ जिल्लाबाट विभिन्न सहकारी सञ्चालहरुको उपस्थित रहेको थियो। कार्यक्रमको संचालन राष्ट्रिय सहकारी महासङ्घ लिमिटेड नेपालका सञ्चालक नथुनी यादव गर्नुभएको थियो।
कार्यक्रममा राष्ट्रिय सहकारी महासङ्घ लिमिटेड नेपालका उपाध्यक्ष इन्दिरा पन्थले प्रस्तुत गर्नुुभएको कार्यपत्रमा मधेशको आठ जिल्लाबाट सहभागी भएका सहकारी सञ्चालकले सरकारले ल्याएको अध्यादेशमा समावेश गर्नुपर्ने विषयवस्तु बारेमा सुझाव दिनुभएको थियो ।

कार्यक्रमले सहकारीको सुधार, सुशासन र प्रभावकारी कार्यान्वयनका लागि महत्वपूर्ण सन्देश दिएको सहभागीहरूले बताएका छन्।


















Discussion about this post