मङ्सिर ५ गते । मधेश प्रदेशका मुख्यमन्त्री सतीश कुमार सिंहले बिना आमन्त्रण अयोध्या पुगेर मधेश प्रदेशको बेइज्जत गराएको आरोप पूर्व मुख्यमन्त्री सरोज कुमार यादवले लगाएका छन् ।
‘भारत भ्रमणमा जाँदा धार्मिक, उपचार, पारिवारिक अथवा सरकारी भ्रमण बारे पहिले नै स्पष्ट गर्नुपर्छ ’ उनले भने, आधा दर्जनजति मन्त्री सहित अयोध्या पुगेका मुख्यमन्त्रीले परराष्ट्र मन्त्रालयसित समेत स्वीकृति लिएनन् । ‘नेपालस्थित भारतीय राजदूतावास अथवा भारतको उत्तरप्रदेश सरकारसित भ्रमणबारे समन्वय हुन आवश्यक थियो ’ उनले भने, आमन्त्रण बिना नै गएपछि मधेश प्रदेशको अपमान भएको छ । बिगतमा उत्तरप्रदेशका मुख्यमन्त्री योगी आदित्यनाथ जनकपुरधाममा भव्य स्वागत गरिएको उल्लेखगर्दै उनले भने, उत्तरप्रदेशमा जाँदा पनि मधेश प्रदेशका मुख्यमन्त्रीको स्वागत त्यही अनुसार हुन सरकारी आमन्त्रण आवश्यक हुन्छ । तिलकोत्सव गर्ने कार्य जानकी मन्दिरको परम्परा रहेको उल्लेख गर्दै पूर्व मुख्यमन्त्री यादवले विश्वहिन्दू परिषद्का जिल्ला अध्यक्षको नेतृत्वमा मुख्यमन्त्री स्वदेशकै कुनै कार्यक्रममा जान नहुनेमा भारतमा जानु पदीय मर्यादा विपरीत कार्य रहेको बताए ।
आर्थिक वर्षको ५ महिना चलिरहँदा प्रदेश सरकारको विकास निर्माणको काम नभएको बताउँदै उनले भने, प्रदेशको विकासको नाममा विरोध गर्ने पार्टीको सरकार हुँदा बेथितिबारे जनमत पार्टी मौन छ । मधेश प्रदेशका बाढी प्रभावितहरुले हाल सम्म क्षतिपूर्ति पाउन सकेको छैन् ।प्रदेश सरकारले प्रभावितलाई राहत समेत उपलब्ध नगराएको उनले दुखेसो पोखे ।प्रदेश सरकारले मधेश कृषि विश्वविद्यालयलाई धराशायी बनाएको उनले आरोप लगाए ।
मधेशमा मुख्यमन्त्री सिंहको अयोध्या भ्रमण र प्रदेश सरकारको क्रियाकलापहरूको विषयमा तीव्र आलोचना भइरहेका बेला, सरकारको तर्फबाट कुनै प्रतिक्रिया आएको छैन। यस घटनाले प्रदेशका राजनीतिक र सामाजिक वृत्तमा गहिरो प्रभाव पारेको छ, र यस विषयमा सरकारको चुप्पीले थप जिज्ञासा र असन्तोषलाई जन्म दिएको छ। समग्रमा, मुख्यमन्त्री सिंहको अयोध्या भ्रमणको विवाद र प्रदेश सरकारका नीति र गतिविधिहरूसँग सम्बन्धित आलोचनाले मधेश प्रदेशको नेतृत्वको कार्यशैली र प्रशासनिक प्रभावकारिता माथि गम्भीर प्रश्न उठाएका छन्।
Discussion about this post