कार्तिक २० गते। सर्लाहीमा पोखरीमा कार खस्दा २ जनाको मृत्यु भएको छ। सर्लाहीको बयलवासबाट महोत्तरीको गौशाला जाँदै गरेको लु२च ६७५८ नम्बरको कार अनियन्त्रित भएर आज बिहान पोखरीमा खसेको थियो। सर्लाहीको ईश्वरपुर नगरपालिका २ भक्तिपुर मियाँखोरको पोखरीमा मंगलवार बिहान कारसहित बेपत्ता बनेका दुई व्यक्तिको शव खोजी गरी निकालिएको छ ।
सुरक्षा वेश सागरनाथ र छिन्नमस्ता बाहिनीबाट आएका गोताखोरको टोलीले बेपता पुरुषहरुको शव निकालेको सशस्त्र प्रहरी बल नेपाल नं. १० गण सर्लाहीका सशस्त्र प्रहरी उपरीक्षक विनोदराज खनालले जानकारी दिएका छन् ।
बाहिनीबाट आएका ३ जनाको गोताखोर टोलीले महोत्तरीको गौशला नगरपालिका २ का ३७ वर्षीय सुरेश महतो र सोनमा गाउँपालिका ८ का ३७ वर्षीय रामाकान्त ठाकुरको शव पोखरीबाट निकालेको खनालले बताएका छन् ।
सर्लाहीको बयलवासबाट महोत्तरीको गौशलातर्फ जाँदै गरेको लु २ च ६७५८ नम्बरको कार अनियन्त्रित भइ पोखरीमा खस्दा उनीहरू बेपत्ता बनेका थिए । कारमा सवार गौशाला नगरपालिका २ का ३१ वर्षीय जनक यादव भने सकुशल बाहिर निस्कन सफल भएका प्रहरीले जानकारी दिएका छन् । पोखरीबाट बाहिर निस्कन सफल भएका यादव स्थानीयलाई जानकारी गराएपछि बिहान ४ बजेपछि प्रहरी टोली घटनास्थल पुगेका थिए ।
Discussion about this post