गिरिजानन्द साह/असोज ९ गते । जनकपुरधाम उद्योग वाणिज्य संघले स्थलमार्ग हुँदै जनकपुरधाम आएका पर्यटकहरूलाई स्वागत तथा सम्मान गरेको छ। “४५ औं विश्व पर्यटन दिवस २०२४” को अवसरमा ७ दिने सप्ताहव्यापी कार्यक्रमको पाँचौ दिन स्थलमार्ग बाट आएका पर्यटहरुको जनकपुरधाम उद्योग बाणिज्य संघद्वारा स्वागत तथा सम्मान गरिएको हो।

जनकपुरधाम उद्योग वाणिज्य संघका अध्यक्षले पर्यटकहरूको आगमनले स्थानीय पर्यटन व्यवसायलाई टेवा पुग्ने विश्वास व्यक्त गरेका छन्।जनकपुरधाम उद्योग वाणिज्य संघका अध्यक्षले पर्यटकहरूको आगमनले स्थानीय पर्यटन व्यवसायलाई टेवा पुग्ने विश्वास व्यक्त गरेका छन्। संघको आयोजनामा पर्यटकहरूलाई स्थानीय संस्कृति, परम्परा र जनकपुरधामको धार्मिक महत्त्वबारे जानकारी गराउँदै विशेष सम्मान गरिएको थियो।

यस अवसरमा पर्यटकहरूले जनकपुरधामको आतिथ्य र धार्मिक महत्त्वलाई अत्यधिक प्रशंसा गरे। जनकपुरधाम उद्योग वाणिज्य संघले यस्ता स्वागत कार्यक्रमले पर्यटन प्रवर्द्धनमा महत्वपूर्ण भूमिका खेल्ने आशा गरेको छ।
जनकपुरधाममा पर्यटकहरुलाई वास बस्ने गरी टिकाउने उद्देश्यले यस्ता कार्यक्रमहरुको आयोजना गरिएको अध्यक्ष भण्डारीले बताए । सप्ताहव्यापी कार्यक्रम अन्तर्गत धार्मिक पदयात्रा, ५२ कुट्टी ७२ कुण्ड अवलोकन दर्शन, सरसफाइ तथा वृक्षारोपण, पर्यटन प्रबद्र्धन सम्बन्धि अन्तरक्रिया कार्यक्रम, अतिथि सत्कार सम्बन्धि जनचेतना कार्यक्रम यस अघि नै गरि सकिएको र भोलि हवाई मार्गबाट आउने पर्यटकहरू लाई स्वागत सम्मान कार्यक्रम गर्ने र अन्तिम दिन वृहत् कला संस्कृति झल्किने प्रभातफेरि कार्यक्रमको आयोजना गरिने छ । कार्यक्रमको संयोजन न्यु भिजन नेपालका संयोजक अम्बुप्रसाद साहले गरेका थिए भने सोट्टो नेपाल र जनकपुरधाम टुर गाईड एसोसियन मधेस प्रदेशको सहकार्य गरेको थियो।





















Discussion about this post