रमेश महतो सुडी (सिंगर) जउवा संघको कार्यकारी सदस्यमा निर्वाचित,संघमा नयाँ दृष्टिकोण र सुधारात्मक नीति ल्याउने वाचा

जनकपुरधाम/असोज १ गते। जनकपुरधाम उद्योग वाणिज्य संघको कार्यकारी सदस्य पदमा रमेश महतो सुडी निर्वाचित भएका छन्। हालै सम्पन्न निर्वाचनमा १५२१ मत ल्याएर निर्वाचित भएका छन ।

महतोले आफ्नो विजयलाई उद्योग, व्यापार, र व्यवसायिक विकासका लागि महत्वपूर्ण जिम्मेवारीको रूपमा लिएको बताए। उनले जनकपुरधाम क्षेत्रको आर्थिक प्रगति र व्यवसायिक समृद्धिका लागि संघमा नयाँ दृष्टिकोण र सुधारात्मक नीति ल्याउने वाचा गरेका छन्।

उनको विजयपछि स्थानीय व्यापारी र उद्योगीहरूमा उत्साह छाएको छ। रमेश महतोले आफ्नो कार्यकालमा उद्योगी र व्यापारीहरूको हकहितको संरक्षण गर्दै, व्यवसायिक वातावरणलाई अझ प्रगतिशील बनाउन योगदान दिने प्रतिवद्धता व्यक्त गरेका छन्।

संघको अध्यक्षमा सुरेन्द्र भण्डारी निर्वाचित भएको छ। उपाध्यक्ष पदमा भने लक्ष्मण साह यसअघि नै निर्विरोध निर्वाचित भइसकेका छन् । त्यस्तै वरिष्ठ उपाध्यक्षमा मनोज कुमार साह, महिला उपाध्यक्षमा रिंकु साह,सचिवमा नरेन्द्र विक्रम साह (निरज),कोषाध्यक्षमा परमेश्वर साह (आशा) र एसोसिएट सदस्यमा अभिषेक चौधरी निर्वाचित भएका छ्न ।संघको सम्वद्व सदस्यमा रेडिमेड संघका अभय मुरारका निर्वाचित भएका छ्न।

जनकपुरधाम उद्योग वाणिज्य संघको नयाँ नेतृत्वका लागि भएको निर्वाचनमा जम्मा ४०७६ जना मतदाता थिए । शनिबार भएको मतदानमा ३५७४ मत खसेको थियो ।