जेसिज सप्ताहको पाँचौ दिन जनकपुर जेसिज द्धारा फुड डिस्ट्रिब्युसन कार्यक्रम सम्पन्न

गिरिजानन्द साह/भदौ ४ गते। जनकपुर जेसीज–२०२४ को जेसीज सप्ताह अन्तर्गत पाँचौ दिन फुड डिस्ट्रिब्युसन कार्यक्रम सम्पन्न गरेको छ । युवाहरुको नेतृत्व तथा क्षमता बिकासमा सक्रिय जेसीजले यस बर्षपनि बिभिन्न कार्यक्रमका साथ सप्ताह शुरु गरेको छ । जनकपुर जेसीजको आयोजनामा बिहिवार देखि शुरु भएको जेसीज सप्ताह–२०२४ को पाँचौ दिन मंगलबार जनक छात्राबासलाई खाद्यान्न सामग्री हस्तान्तरण गरि फुड डिस्ट्रिब्युसन कार्यक्रम सम्पन्न गरिएको हो । यस कार्यक्रमको प्रमुख अतिथि जनकपुर जेसिज बर्ष २०१८ का अध्यक्ष तथा जनकपुरधाम उद्योग बाणिज्य संघ को अध्यक्ष जितेन्द्र महासेठ द्वारा उद्घाटन गरिएको थियो ।अध्यक्ष जितेन्द्र महासेठले जनक छात्रावासमा रहेका बालबालिका लागि चाहिने खाद्यान्न सामाग्री सहयोग गर्ने संघ संस्थाहरु कम पुग्ने भएकोले सामाजिक कार्य गर्ने सहयोगी संस्थाहरुलाई पनि सहयोग गर्न आग्रह गर्नुभयो। वहाँले यस जनक छात्रावासलाई खाद्यान्न सामग्री सहयोग गरेकोमा जनकपुर जेसिजलाई धन्यवाद दिदै जेसिस सप्ताहको सफलताको लागि शुभकामना पनि दिए ।आजको कार्यक्रमको कार्यक्रम संयोजक जेसि शुबोध ठाकुर र अतिथि जनकपुर जनक छात्रावासको संचालक समितिको ऋषिकेश साहले शुभकामना मन्तव्य राखेका थिए। जेसिज सप्ताह २०२४ को छैठौ दिन स्कुल लेभल ओरेट्री कन्टेस्ट कार्यक्रम रहेको जनकपुर जेसिज बर्ष २०२४ को अध्यक्ष जेसि यातोस साहले जानकारी दिनुभयो ।आजको कार्यक्रममा जनकपुर जेसिज बर्ष २०१८ का अध्यक्ष तथा जनकपुरधाम उद्योग बाणिज्य संघ को अध्यक्ष जेसि जितेन्द्र महासेठ,जनक छात्रावासको संचालक समितिको ऋषिकेश साह,जनक छात्रावास संचालक समिती सदस्य अन्केश्वर यादव,अतिथि फुड डिस्ट्रिब्युसन कार्यक्रमको संयोजक जेसि शुबोध ठाकुर,जनकपुर जेसिज बर्ष २०२४ का अध्यक्ष जेसि यातोस साह,जनकपुर जेसिज बर्ष २०२४ का महासचिव जेसि मुकेश साह,जेसिज सप्ताह २०२४ का संयोजक जेसि निरज साह,जेसि विकाश साह,जेसि रन्जित पजियार,जेसि राजेश कुमार ठाकुर लगायत जनकपुर जेसिजका पदाधिकारी तथा सदस्यहरुको साथै जनक छात्रावासको विद्यार्थीहरुको उपस्थिती रहेको थियो ।