गिरिजानन्द साह/भदौ २ गते। जनकपुर जेसीज–२०२४ को जेसीज सप्ताह अन्तर्गत चौथो दिन डेन्टल हेल्थ क्याम्प कार्यक्रम सम्पन्न गरेको छ । युवाहरुको नेतृत्व तथा क्षमता बिकासमा सक्रिय जेसीजले यस बर्षपनि बिभिन्न कार्यक्रमका साथ सप्ताह शुरु गरेको छ ।
जनकपुर जेसीजको आयोजनामा बिहिवार देखि शुरु भएको जेसीज सप्ताह–२०२४ को चौथो दिन आईतवार डेन्टल हेल्थ क्याम्प कार्यक्रम सम्पन्न गरिएको हो । यस कार्यक्रमको प्रमुख अतिथि श्री संकट मोचन दे. रा. नमूना मा.वि. का प्रधानाध्यापक बलराम साह द्वारा उद्घाटन गरिएको थियो ।
प्रधानाध्यापक बलराम साहले जेसिजले ४० वर्ष सम्मका लाई युवा भनेर राखेको क्राइटेरिया एकदमै राम्रो रहेको र जेसिजका सदस्यहरु वेल डिसिप्लिन्ड रहेको बताए। वहाँले यस विद्यालयमा डेन्टल हेल्थ क्याम्प राखेर विद्यार्थीहरुलाई स्वास्थ राख्न मद्दत गरेकोले जनकपुर जेसिज परिवार धन्यवाद दिए साथै जेसिस सप्ताहको सफलताको लागि शुभकामना पनि दिए ।
आजको कार्यक्रमको अतिथि जनकपुर जेसिज बर्ष २०१६ का अध्यक्ष जेसि सुधीर पजियार, जनकपुर जेसिज बर्ष २०१६ का अध्यक्ष जेसि तुलसी पजियार,डेन्टिस्ट द्वय डा. निर्मला साह जैसवाल र डा.अन्जली गामी रहेका थिए। आजको यस डेन्टल हेल्थ क्याम्प बाट विद्यार्थीहरुले आफ्नो दात सम्बन्धि समस्याको बारेमा जागरुक गराउने बताए। साथै दात सम्बन्धि समस्या चेक जाँच गराउन सक्ने र परामर्श लिन सकिने डा. निर्मला साह जैसवालले बताए।
त्यस्तै अर्को डा. अञ्जली गामीले मुख हसिलो भए मात्र हाम्रो शरीर हसिलो रहन सक्ने भएकोले आफ्नो मुख भित्र रहेको दातको ख्याल राख्न जरुरी रहेको सुझाव दिए । आजको डेन्टल हेल्थ क्याम्पबाट १५० जना भन्दा बढीले आफ्नो दात सम्बन्धि समस्या चेक जाँच गराएका छ्न।
कार्यक्रममा जनकपुर जेसिज बर्ष २०१६ का अध्यक्ष जेसि सुधीर पजियार र जनकपुर जेसिज बर्ष २०१६ का अध्यक्ष जेसि तुलसी पजियारले जेसिज सप्ताहको सफलताको शुभकामना व्यक्त गरेका थिए।
जेसिज सप्ताह २०२४ को पाँचौ दिन फुड डिस्ट्रिब्युसनको कार्यक्रम रहेको जनकपुर जेसिज बर्ष २०२४ को अध्यक्ष जेसि यातोस साहले जानकारी दिनुभयो । आजको कार्यक्रममा संकट मोचन दे. रा. नमूना मा.वि. का प्रधानाध्यापक बलराम साह,जनकपुर जेसिज बर्ष २०१६ का अध्यक्ष जेसि सुधीर पजियार, जनकपुर जेसिज बर्ष २०१६ का अध्यक्ष जेसि तुलसी पजियार, जनकपुर जेसिज बर्ष २०२४ का अध्यक्ष जेसि यातोस साह, डेन्टल हेल्थ क्याम्पका संयोजक जेसि विकाश साह,जनकपुर जेसिज बर्ष २०२४ का महासचिव जेसि मुकेश साह,जेसिज सप्ताह २०२४ का संयोजक जेसि निरज साह,जेसि रन्जित पजियार,जेसि कमल मण्डल,जेसि राजेश कुमार ठाकुर लगायत जनकपुर जेसिजका पदाधिकारी तथा सदस्यहरुको साथै सश्स्त्र प्रहरीहरुको उपस्थिती रहेको थियो ।
Discussion about this post