गिरिजानन्द साह/श्रावण ३२ गते। जनकपुर जेसीस–२०२४ को जेसीज सप्ताह अन्तर्गत दोस्रो दिन स्लो बाईक रेस प्रतियोगिता सम्पन्न भएको छ । युवाहरुको नेतृत्व तथा क्षमता बिकासमा सक्रिय जेसीजले यस बर्षपनि बिभिन्न कार्यक्रमका साथ सप्ताह शुरु गरेको छ ।
जनकपुर जेसीसको आयोजनामा बिहिवार देखि शुरु भएको जेसीज सप्ताह–२०२४ को दोस्रो दिन शुक्रबार स्लो बाईक रेस सम्पन्न गरिएको हो । यस कार्यक्रमको प्रमुख अतिथि जिल्ला ट्राफिक प्रहरी कार्यलयका धनुषाको प्रमुख हरि बहादुर वली द्वारा उद्घाटन गरिएको थियो ।
उद्घाटनपछि बोल्दै हरि बहादुर वलीले जेसीसले आयोजना गरेको यस प्रकारका कार्यक्रमले बढदो दुर्घटना न्यनिकरण गर्ने सन्देश समुदाय स्तरमा जाने बताए । बिस्तारै गए अवश्य पुगिन्छ तर छिटो गए थाहा छैन भन्ने कुरा सबैले बुझ्नु जरुरी रहेको बताए।
कार्यक्रमका जनकपुर जेसिस बर्ष २०२१ का अध्यक्ष जेसि मनोज साह,कार्यक्रममा जनकपुरधाम उद्योग बाणिज्य संघका वरिष्ठ उपाध्यक्ष पदका उम्मेदवार अम्भु प्रसाद साह र जिल्ला ट्राफिक प्रहरी कार्यलयका धनुषाको प्रमुख हरि बहादुर वलीले शुभकामना मन्तव्य व्यक्त गर्नु भएको थियो ।
कार्यक्रममा १२ जना युवाहरुको सहभागिता रहेको स्लो बाईक रेस कार्यक्रमका संयोजक ओम प्रकाश साहले जानकारी दिनुभयो । स्लो बाइक रेसमा सहभागी मध्ये रोशन प्रथम,जय किशोर साह द्वितीय र कुलदिप साह तृतीय हुनुभएको छ । बढदो दुर्घटना न्यनिकरण गर्ने उदेश्यले संचालन गरीएको यो कार्यक्रमले समुदाय स्तरमा राम्रो सन्देश गएको छ ।
जेसिस सप्ताहको तेस्रो दिन ब्याडमिन्टन प्रतियोगिता आयोजना गरिने जनकपुर जेसिस बर्ष २०२४ को अध्यक्ष जेसि यातोस साहले जानकारी दिनुभयो ।आजको कार्यक्रममा कार्यक्रमको प्रमुख अतिथि जिल्ला ट्राफिक प्रहरी कार्यलयका धनुषाको प्रमुख हरि बहादुर वली,अतिथि जनकपुरधाम उद्योग बाणिज्य संघका वरिष्ठ उपाध्यक्ष पदका उम्मेदवार अम्भु प्रसाद साह,जनकपुर जेसिस बर्ष २०२१ का अध्यक्ष जेसि मनोज साह,जनकपुर बर्ष २०२४ का अध्यक्ष जेसि यातोस साह, जनकपुर जेसिस बर्ष २०२४ का महासचिव जेसि मुकेश साह,जेसि रन्जित पजियार,जेसि राहुल निधि,जेसि मनोहर ठाकुर,जेसि कमल मण्डल लगायत जनकपुर जेसिजका पदाधिकारी तथा सदस्यहरुको साथै ट्राफिक प्रहरीहरु र पत्रकारहरु को उपस्थिती रहेको थियो ।
Discussion about this post