गिरिजानन्द साह/जनकपुरधाम/फागुन २९ गते । जनकपुरधाममा आयोजित टाटा पेन्टस दोस्रो अन्तर कलेज क्रिकेट च्यम्पियनसिप २०८० प्रतियोगिता अन्तर्गत भएको मंगलवार भएको खेलमा राराव कॉलेज र धनुषा साइन्स कॉलेज विजय भएका छन ।
पहिलो खेल राराव कॉलेज र बीपी मेमोरियल कॉलेज बीच भएको थियो जसमा बीपी मेमोरियल कॉलेजले टस जितेर पहिला राराव कॉलेजको टिमलाई ब्याटिङको लागि आमन्त्रण गरेको थियो । ब्याटिङ सुरु गरेको राराव कॉलेजका खेलाडीहरु १९.५ ओभरमा ऑलआउट हुँदै १४१ रन बनाउदै प्रतिद्वन्द्वी टिमलाई जितको लागि १४२ रनको बिशाल लक्ष्य दिएको थियो । राराव कॉलेजको टिमका लागि रामबाबू यादवले ५० बलमा ६४ रन र अंकित सिंह राजपूतले २० बलमा २४ रनको योगदान दिएको थियो ।
बीपी मेमोरियल कॉलेजको तर्फबाट लागि बलिङ गरेका भरतले ३ विकेट,अखिलेश ठाकुरले २ विकेट र सुमितले ३ विकेट लिन सफल भएका थिए । खेलमा जवाफि ब्याटिङका लागि आएका बीपी मेमोरियल कॉलेजका ब्याट्सम्यानहरु राराव कॉलेजको बलिङ सामु खासै राम्रो खेल्न सकेन जसले गर्दा १५.२ ओभरमा अल आउट हुदै ९० रन मात्र बनाउन सक्यो र उक्त खेल राराव कॉलेजले ५१ रनले खेल जित्न सफल भयो। बीपी मेमोरियल कॉलेजकाका खेलाडीहरु मध्ये अखिलेश ठाकुरले २५ बलमा ३९ रन र रामकिशोर १७ बलमा १३ रन बनाएको थियो । राराव कॉलेजको टिमका लागि बलिङ गरेका अंकित सिंह राजपूतले ४ ओवरमा १९ रन खर्चेर ५ विकेट, रविले ४ ओवरमा १७ रन खर्चेर २ विकेट र राघवेन्द्रले ३ ओवरमा २४ रन खर्चेर २ विकेट लिएका थिए । यस खेलको म्यान अफ दी म्याच राराव कॉलेजको खेलाडी अंकित सिंह राजपूत भएको थियो।म्यान अफ द म्याचको उपाधी जनकपुरधाम वडा नं ७ को वड़ा अध्यक्ष निरज साह द्वारा प्रदान गरिएको थियो ।
त्यस्तै दोस्रो खेल धनुषा साइन्स कॉलेज र शिद्दार्थ शिशु सदन बीच भएको थियो जसमा धनुषा साईन्स कॉलेजले टस जितेर शिद्दार्थ शिशु सदनलाई ब्याटिङगको लागि आमन्त्रण गरेको थियो। ब्याटिङ सुरु गरेको शिद्दार्थ शिशु सदनका खेलाडीहरु १२४ रन बनाउदै प्रतिद्वन्द्वी टिमलाई जितको लागि १२५ रनको लक्ष्य दिएको थियो । शिद्दार्थ शिशु सदनको टिमका लागि आदित्यले ३४ बलमा २७ रन,कृष्णाले ३९ बलमा २९ रन र नबीनले २३ बलमा २१ रन रनको योगदान दिएको थियो । धनुषा साइन्स कॉलेजको तर्फबाट लागि बलिङ गरेका बिकेशले ४ ओवरमा २३ रन खर्चेर २ विकेट,पप्पूले १ विकेट,मनोजले १ विकेट र अमनले १ विकेट लिन सफल भएका थिए । 
खेलमा जवाफि ब्याटिङका लागि आएका धनुषा साइन्स कॉलेजका खेलाडीहरु १३.२ ओभरमा ५ विकेटको क्षतिमा १२५ रन बनाउन सफल भयो र खेल धनुषा साइन्स कॉलेजले ५ विकेटले जित्यो । धनुषा साइन्स कॉलेजका खेलाडीहरु मध्ये मनोज मंडलले १२ बलमा २७ रन र बिकेशले २१ बलमा १७ रन बनाए । शिद्दार्थ शिशु सदनको टिमको लागि बलिङ गरेका बरगिस २.३ ओवरमा २६ रन खर्चेर २ विकेट लिन सफल भएको थियो। यस खेलको म्यान अफ दी म्याच धनुषा साइन्स कॉलेज खेलाडी मनोज मंडल भएको थियो।यस खेलको म्यान अफ द म्याचको उपाधी महाबीर युवा कमिटी अध्यक्ष अजय कुमार गुप्ता र निवर्तमान अध्यक्ष संतोष कुमार साह द्वारा प्रदान गरियोएको थियो।
प्रतियोगितामा जम्मा ८ वटा क्याम्पसले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ।





















Discussion about this post