जनकपुरधाम/मंसिर २७ गते। विवाहपञ्चमीको अवसर पारेर जनकपुरमा पहिलोपटक अन्नको प्रयोग गरेर ११ हजार स्क्वायर फिटको मूर्ति बनाइँदै छ।
जनकपुरधामको बाह्रबिघा मैदानमा अन्नको प्रयोगले ११ हजार स्क्वायर फिटको मूर्ति बनाउन लागिएको वृहत्तर जनकपुर क्षेत्र विकास परिषद्का शितल साहले जानकारी दिए।
उनका अनुसार मंसिर २४ गते बाह्रबिघाको उत्तर पूर्व कुनामा अन्नको मुर्ति बनाउन थालिएको हो। मूर्ति तयारी गर्न अझै केही दिन लाग्न सक्छ। जनकपुरमा हुने विवाह पञ्चमीलाई विश्वभर चिनाउन र कीर्तिमान कायम गर्न अन्नको मूर्ति बनाउन लागिएको अध्यक्ष साहले बताए।
यसअघि भारतको अयोध्यामा बनेको १० हजार ८०० स्क्वायर फिटको मूर्ति बनाएर विश्व रेकर्ड बनाइएको थियो। जनकपुरमा ११ हजार ११ स्क्वायर फिट मूति बन्नेसँगै विश्वमै सबै भन्दा ठुलो अन्नको मुर्ति बनाउने कीर्तिमान जनकपुरको नाममा हुनेछ।
मूर्ति बनाउनका लागि भारतको मध्य प्रदेशबाट आठजना कालिगड बोलाइएको छ भने दुईजना नेपाली पनि सहभागी छन्।
‘मूर्ति बनाउन अन्नको मात्र प्रयोग हुन्छ। मूर्तिका लागि कुनै रङ्ग प्रयोग हुने छैन। जहाँ जुन रङ्गको आवश्यकता पर्छ, सोही रङ्गको अन्न प्रयोग गरिन्छ’ साहले भने।
मूर्ति निर्माणका लागि जनकपुर बृहत्तर क्षेत्र विकास कोष,उद्योग वाणिज्य सङ्घ र जनकपुरधाम उपमहानगरपालिकाले अगुवाइ गरिरहेको छ।
९२ क्विन्टल अन्नबाट बन्ने मुर्ति निर्माणमा करिब २२ लाख खर्च हुने उनको भनाई छ । मुर्ति निर्माणमा चामल २५ क्विन्टल, गहुँ ६ क्विन्टल, सोयाबिन ६ क्विन्टल, चना १८ क्विन्टल, उरिद दाल १८ क्विन्टल, चना दाल, रहर दाल र मसुर दाल ४ ४ क्विन्छटल, मकै ३ क्विन्टल, मंफली २ र मुंग दाल १२ क्विन्टल प्रयोग गरिनेछ ।
‘मुर्ति रंगरोगन गरिने छैन् रंग अनुसारकै अन्नको प्रयोग गरिनेछ । विवाहपञ्चमी सकिएपछि अन्न पुनः प्रयोग गरिनेछ । कि त सहयोग गरेको गल्ला भण्डारले अन्न फिर्ता लिनेछ कि असहायहरुलाई त्यो अन्न दान गरिनेछ, उनले भने । मुर्ति निर्माणका लागि जनकपुर उद्योग वाणिज्य संघ, वृहत्तर जनकपुर, यहाँका व्यवसायी, उपमहानगरपालिका लागयतले चंदा सहयोग गरेको उनको भनाई छ । पुस १ गतेदेखि जनकपुरमा भव्य रुपमा विवाह महोत्सव मनाउने तयारी चलिरहेको छ ।

















Discussion about this post