जनकपुरधाम/असार १२ गते । महोत्तरीको जलेश्वर सडक खण्ड अन्तर्गत आगेपुर नजिक मोटरसाइकल दुर्घटना हुँदा एकजनाको मृ त्यु भएको छ ।
मंगलबार बिहान ज ८ प ६५३३ नम्बरको मोटरसाइकल जलेश्वर नगरपालिका ९ स्थित आगेपुर नजिक रहेको पुलबाट करिब २० मिटर तल पानीमा खसेर दुर्घटना भएको हो ।
मोटरसाइकल दुर्घटना हुँदा जनकपुरधाम उपमहानगरपालिका ९ बस्ने ३० वर्षीय मोटरसाइकल चालक दीपेश ढुङ्गेलको मृ त्यु भएको प्रहरीले जनाएको छ ।
जलेश्वरबाट आउँदै गर्दा मोटरसाइकल पुलको पश्चिमी भागमा ठोकिएर तल खसेको हुन सक्ने प्रहरीको अनुमान छ । दुर्घटना कति बेला भएको भन्ने जानकारी नभएपनि बिहान साढे ६ बजे मात्र स्थानीयबासिन्दाले मोटरसाइकल र शव देखेपछि जानकारी भएको महोत्तरीका डिएसपी दिलीप कुमार गिरीले जानकारी दिए । यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।
Discussion about this post