महोत्तरी/बैशाख १ गते। महोत्तरी प्रहरीले जंगलमा सिकार गर्न गएका एक जनालाई भरुवा बन्दुकसहित प क्राउ गरेको छ। सिकार गर्न गएका अन्य एक जना फरार भएको प्रहरीले जनाएको छ।
बिहीबार मध्याह्न बर्दिबास नगरपालिका–८ स्थित सागरनाथ वन विकास परियोजनाअन्तर्गत पर्ने हात्तीलेटको वन व्यवस्थापन शाखाको जगंलबाट प्रहरीले बर्दिबास–१४ नमुनाबस्ती बस्ने ४९ वर्षीय भीम भन्ने गणेश बहादुर मगरलाई प क्राउ गरेको हो।
महोत्तरीका प्रहरी प्रवक्ता प्रहरी नायब उपरीक्षक दिलिपकुमार गिरीका अनुसार सिकार खेल्दै गरेको अवस्थामा प्रहरीलाई देखेर भरुवा बन्दुक जंगलको झाडीमा फालेर भाग्दै गरेको अवस्थामा मगर प क्राउ परेका हुन्। ३५ वर्षीय अविचन सदा फरार भएको उनले बताए।
प्रहरीले भरुवा बन्दुक एक नाल र तयारी हालतमा लोड भएको भरुवा बन्दुक एक नाल र सो भरुवा बन्दुकमा प्रयोग हुने बारुद, फलामको छर्रा, सलाइको काँटी, कपडाको टुक्राहरु बरामद गरेको जिल्ला प्रहरी कार्यालय महोत्तरीले जनाएको छ। यस सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ।
Discussion about this post