जागिरको बहानामा नेताले युवतीलाई गरे बला त्कार, पैसा पनि लु टे

काठमाडौं । एक नेतामाथि जागिर लगाउने नाममा बला त्कार गरेको आरोप लागेको छ । भारत, मध्य प्रदेशमा भारतीय जनता पार्टी (भाजपा) का एक नेताले बला त्कारजस्तो ज घन्य अपराध गरेका हुन् । ती नेताले जागिर दिने नाममा २८ वर्षीया युवतीलाई बला त्कार गरेका छन् ।

भाजपा नेता शशिकान्त सोनीले जबलपुरबाट भोपाल ल्याएर कारमा युवतीलाई बला त्कार गरेको पीडितको आरोप छ । पीडित युवती रुन थालेपछि उनले जबलपुर लगेर बाटोमै छोडेका थिए । पीडितले बिहीबार भोपाल पुगेर टीटी नगर प्रहरी चौकीमा उजुरी दिएकी थिइन् ।

शुक्रबार साँझ पार्टीले सोनीलाई ६ वर्षका लागि निष्कासन गर्यो । एफआईआरमा पीडितले भनेकी छिन्, ‘म जबलपुरमा निजी कम्प्युटर अपरेटरको रूपमा काम गर्छु । मैले जबलपुर नगर निगममा आफ्नो बायोडाटा (सिभी) दिएकी थिएँ ।

त्यहाँ मलाई शशिकान्त सोनीले म निगम आउनुको कारण सोधे । मैले भनेपछि उनले सरकारी जागिर दिने आश्वासन दिए, एक लाख ८० हजार (भारु) घुस मागे । म पैसा तिर्न राजी भएँ ।’

उनले थप्दै भनेकी छिन्, ‘मैले पैसा मिलाएर शशिकान्त सोनीलाई फोन गरेपछि उनले पैसा लिएर भोपालजानुपर्ने कुरा बतायो । उनले मसँग सबै नेता भोपालमा बस्छन्, जबलपुरबाट कुनै काम हुँदैन भने ।’

उजुरीमा उनले भनेकी छिन्, ‘उनले मलाई मार्च ५ मा भोपाल पुर्याए । उनले बायोडाटा र कागजातहरू भोपालको अज्ञात ठाउँमा लगे । करिब डेढ घण्टामा फर्किए । फर्किनेबित्तिकै उनले भने–तिम्रो काम सकियो । अब तिमीले जागिर पाउछ्यौँ ।’

तर जब युवतीले घर फर्किन खोजिन् उनले कामको कारण देखाउँदै भोपालका धेरै ठाउँमा लगेर गए । अन्ततस् ती नेताले युवतीलाई राति करिब ९ बजे टीटी नगर रंगशाला पछाडि रहेको जैन मन्दिरमा लगे ।

त्यहाँ पुर्याएर उनले गाडी लक गरे, संवेदनशील अंगमा छुन थाले । त्यसपछि उनले युवतीसँग जबरजस्ती सम्बन्ध बनाए । जब महिला रुन थालिन् तब उनलाई जबलपुर लगेर राजमार्गमा छाडेर सोनी भागेका थिए ।

यो सबै भएपछि जब उनले कामको लागि सोधिन्, उनी युवतीसँग रिसाउन थाले । त्यसपछि उनले युवतीको नम्बर पनि ब्लक गरिदिए । अब शशिकान्तसँग सम्पर्क हुँदैन् । भाजपा नेता शशिकान्त सोनीले धेरै पदमा रहेर काम गरिसकेका छन् । उनी क्वालिटी काउन्सिल अफ इन्डियाका आजीवन सदस्य पनि हुन् ।

साथै, भारतीय विमानस्थल प्राधिकरण, भारत सरकार, दामन विमानस्थलको सल्लाहकार समितिको सदस्य पनि हुन् । कोभिडको समयमा उनी जिल्ला विपद् व्यवस्थापन समितिको सदस्य थिए । शशिकान्त जबलपुर नगरपालिकाको म्युनिसिपल कमिटीका सदस्य पनि हुन् । भाजपा नेताले जबलपुरको राइट टाउनमा आफ्नो कार्यालय खोलेका छन् । पार्टीले उनलाई निष्कासन गरेपनि अहिलेसम्म प्रहरीले प क्राउ गर्न सकेको छैन् ।

साभार स्रोत-जनबोली बाट