महोत्तरीको मटिहानी–जलेश्वर सडकखण्डमा मोटरसाईकल दुर्घटना हुँदा एक जनाको मृ त्यु

जलेश्वर/माघ ९ गते । महोत्तरी जिल्लाको मटिहानी–जलेश्वर सडकखण्डमा शुक्रवार राति मोटरसाईकल दुर्घटनामा परी एक जनाको मृ त्यु भएको छ भने अर्का एकजना गम्भिर घाईते भएका छन् ।

मृ त्यु हुनेमा जलेश्वर नगरपालिका–५ पर्सा गाउँका नागेन्द्र शर्माका ४० वर्षिय छोरा शम्भु शर्मा रहेको जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक प्रकाश विष्टले बताए ।

यस्तै, दुर्घटनामा परी महोत्तरी गाउँपालिका–३ मडै गाउँ घर भएका तपेश्वर चौधरीका ४२ वर्षिय छोरा पंकज चौधरी गंभिर घाईते भई प्रादेशिक अस्पताल जनकपुरमा उपचार भइरहेको छ ।

शुक्रवार राति करीब ९ बजे दुवै जना प्र. २–०२५–प ३५२१ नम्बरको मोटरसाईकलमा चढी मटिहानीबाट जलेश्वरतर्फ आउँदै गरेको अवस्थामा मटिहानी–६ स्थित सडकमा मोटरसाईकल अनियन्त्रित भई दुर्घटना हुँदा मोटरसाईकलको पछाडि सवार शर्माको घटना स्थलमै मृ त्यु भएको थियो भने मोटरसाईकल चालक चौधरी गंभिर घाईते भएका थिए ।

प्रहरीले घटनाबारे थप अनुसन्धान भईरहेको जनाएको छ । मृ तकका परिवारजनले उनीहरुलाई कुनै ठूलो गाडीले ठक्कर दिएर मारेर फ रार भएको दावी गर्दै त्यसको खोजतलाश र आवश्यक कारबाही प्रक्रिया अगाडि बढाउन प्रहरीसँग माग गरेका छन् ।